八年唔係短時間，當小編聽到眼前一家已經用咗DR-Max英語教材Electronic English八年，心裡面真係有少少激動，一個小朋友由K2開始使用我哋嘅教材，到家已經係小六生，呢份支持實在非常難得。 恰巧訪談當日就係呢位小朋友畢業典禮嘅大日子！真係可喜可賀，難怪丘生丘太帶住學鈞、雪儀嚟到時，個個都精神奕奕笑笑口，原來一家人啱啱見證大仔學鈞小學畢業！ 自行調節彈性學習 點解呢丘氏一家人咁鍾意DR-Max英語教材呢？丘生好有條理咁講出多個優點：「因為唔使父母花好多時間去跟，啲教材好易用，小朋友會自己做。而且無時間限制，唔會限時限刻，哥哥以前得閒嘅話會一日做十幾張工作紙，到後來功課忙啲，就自行調節份量，好有彈性。老實講，計起數嚟成本仲平過送小朋友去讀補習班，最重要係效果好好，我哋一直唔使擔心佢哋嘅英文成績。」 丘太補充：「哥哥由K2用到小六，啲英文一直無問題，喺學校名列前茅，今年攞全級第三，舊年更加係全級第二！見到哥哥用得咁好，我哋都好放心俾K3嘅妹妹使用。」 生動有趣的學習英語方式 學鈞用咗八年，一定要講下對DR-Max英語教材嘅評價。「我覺得點讀筆好生動有趣，真係可以令我嘅英文進步。」 丘生補充：「哥哥用咗八年，都真係習慣晒自己主動做，自動自覺唔使人叫。妹妹都仲係細，相信好快都會適應呢種學習方法。」 同丘生丘太傾到對小朋友嘅期望，丘生希望佢哋學好時間管理，透過自主學習方式，分配好時間做有意義嘅事。丘太就期望小朋友學好英文，因為香港係國際城市，英文好重要，裝備好自己，就可以貢獻社會。 全級三甲成績有目共睹 小編覺得，學鈞、雪儀都可以達到丘生、丘太期望，見到學鈞過去八年利用DR-Max英語教材自主學習，出嚟嘅成績更加係有目共睹；雪儀有哥哥呢個好榜樣，相信都會同樣出色。