Ya~蠔豉妹妹下星期就踏入trouble 2 la~ 姐係話,好快就會變成小魔怪~ 仲好快就要返學啦... 因為蠔豉妹妹會返半日n班~ 話說就快踏入2歲,身邊既親友都比我更著急 :p 不停問我諗好小學報直資、傳統定國際? 因為要諗好小學先知讀乜幼稚園~ 又不停問蠔豉妹妹分到顏色、大小、形狀未... 當然仲會問點解蠔豉妹妹好似仲未識講野咁... 一開頭其實我都好驚,我都諗到底蠔豉妹妹係咪發展太慢? 人地1.5歲就分到顏色、識動物既中英文wor! 我個女,就快2歲好似都係傻豬一名咁... 不過,好彩媽媽我都理性! 明白每個人成長發展不一,有啲小朋友的確好早就識講野、識行、識分顏色、大小,但其實遲少少又有咩所謂? 總會有人8個月就識行、有人要一歲有多先行到第一步~ 總有人1歲就講野,有人2歲先願意開口~ (除非真係知道係學習、發展遲緩既,家長當然會擔心同應該做檢查或之後加強訓練。) 好多時,坊間既成長里程碑都有一個時間限制,但其實好多時只係一個大數據~ 總唔會真係所有事都跟到timetable進行。 每一位小朋友都有獨一無二既里程碑~ 就只有各位家長了解自己小朋友既長處、短處,一同行出獨有既時間表! 好似蠔豉妹妹咁,數1-10,無論係廣東話、英文定普通話,都一樣無問題~ 但問佢顏色就撞既成份居多... :p 早2、3個月我仲諗緊點解佢好似唔多識講野... 但宜家,開始緊人口水尾~ 開始唔只單字,而係句子,例如: 「喬喬,巧虎睇,電視,pls」(喬喬想睇巧虎,開電視pls~) 「媽媽坐,一齊玩」 「喬喬食魚、雞雞、飯」 「契媽,7仔」(契媽,一齊去7仔/OK) 媽媽真係覺得蠔豉好叻,又好搞笑~ 呢排佢不停叫媽媽、媽媽! 我話佢冤氣,佢又會笑笑口跟住話冤氣 :p 大概係踏入trouble 2前既甜頭,宜家既蠔豉妹妹應該係最窩心、最可愛既一段時間~ 所以各位媽媽,唔洗比較太多,理性啲! 各位親友,大家可以繼續問蠔豉妹妹既發展,但如果唔係發現佢發展遲緩,麻煩唔好嚇我 :p 信我!每個小朋友都獨一無二! 係媽媽心中都係最叻、最乖既、最可愛既~ Facebook : 80後的人妻「旅」友 & 蠔豉妹妹之貓奴生活 Instagram : https://www.instagram.com/wingring 合作/邀稿 : wingring417@gmail.com / wingring@ymail.com