又到暑假喇！小朋友唔駛番學固之然開心，但大人就頭痕啦，要幫小朋友計劃好暑假活動，仲要帶佢地出去玩 桃家又有好介紹，由7月2號到9月1號，昂坪360為大家呈獻「昂坪CHILL COOL SUMMER」活動，岩哂一家大小嚟過香港一日遊！ 阿桃最期待嘅當然係搭纜車喇 呢個位又要讚一讚，就算出面大風大雨，「實際」我地都好安全咁上到去 想影靚靚相嘅就當然唔少得坐「水晶車廂」喇，分別就在於車廂底係用透明物料製成，可以睇埋車底嘅風景！ 講到夏天當然唔少得雪糕啦，一出纜車就就會見到呢個超吸睛嘅「Chill Cool花園」 除左雪糕仲有馬卡龍 同彩虹色系嘅雪條，打卡影相夠哂夏天feel！ 有得睇冇得食咁慘？ 即刻試下呢個由大澳出產嘅名物，紫背天葵，製成嘅雪葩啦！ 紫背天葵味道酸酸甜甜，加埋雪葩透心涼嘅感覺，阿桃食到停唔到口！呢款雪葩仲要係昂坪360獨賣！ 唔講唔知，昂坪最出名嘅除左有天壇大佛同纜車之外，仲有「昂坪三寶」之稱嘅草黃弄蝶、鈎型黃斑弄蝶同東亞矍眼蝶！ 由本地戲偶劇場「小不點創作」所製作嘅親子布偶劇場《昂坪Chill Cool花園尋蝶之旅》，以大自然同蝴蝶為主題，講述主人公尋找擬四眼矍眼蝶嘅旅程，布偶劇仲加入左互動環節，小朋友一定鍾意！逢星期六、日嘅12點同2點各有一場係昂坪市集表演，而且仲係免費架！ 睇完表演仲可以參加由昂坪自然中心舉辦嘅免費導賞團，參觀著名景點同樹木研習徑，沿路俾小朋友搵真。蝴蝶！成個活動需時45分鐘，一樣係免費，名額先到先得！ 呢個「玻璃彩繪工作坊」，就需要去到360旅遊資訊中心預先登記先，逢星期六、日嘅12點45分同2點45分係昂坪市集舉行。 小朋友可以親手製作一份充滿昂坪特色嘅紀念品，都係免費架！ 今次昂坪 360邀請左法國藝術家Elsa Jean de Dieu、「文青女神」袁澧林聯手藝術系少女Omni Art分別繪製主題壁畫 呢幅「魚樂無窮」相信勾起左唔少人嘅童年回憶，圈圈機真係好經典呀！ 新嘅蝴蝶牆「戀戀花蝴」岩哂少女打卡影相，上面仲寫有HONG KONG字樣，用色鮮豔，花紋落足心思，呃like度爆燈 最後嚟到今次活動桃媽最心動嘅地方「與佛同行」！呀，唔係！其實入面已經改裝成「韓國打卡展」喇！ 門口係一道8呎高，仿如巨型雪櫃門嘅冰雪大門！冇錯！都係由浸會大學藝術系女生創立嘅OMNI ART所繪製嘅！ 當日仲係施工中，阿桃都好榮幸可以參與到「一筆盛事」，大家記得去到影靚相俾我睇呀！ 一入場就係靚靚嘅「Chill Cool霓虹燈」，但係就需要d技巧影啦，最好有閃光燈，咁就會好d 親子定個人影都好適合 呢個「文青女神圈」超級靚，岩哂影d sweet相 係「水簾仙景」以紫藤花同柔和燈光營造出仙境效果 「萬花祕道」以夏日色彩嘅花花做背景 配合多塊鏡，形成萬花筒嘅效果，可以見到多個自己 最後去到「閨蜜花海」，場內有紫色嘅風信子，加埋下垂嘅水晶球 當然唔少得蝴蝶喇 話明一家大細，老一輩嘅當然去朝聖大佛啦 沿路仲可以食番碗山水豆腐花 小朋友可以玩下風車，吹下泡泡 仲可以近距離睇下牛牛添 本地25歲或以下嘅全日制學生由7月12日至9月1日期間，親身到訪昂坪360東涌纜車站或昂坪纜車站售票處，出示香港身分證及有效香港全日制學生證正本，即可享半價購買正價昂坪纜車來回門票，標準車廂同晶車廂都可以享用優惠架！