之前上完Little Gym個Course放左一個月假, 因為就黎要報N班要面試, 又揀左幾間playgroup試堂.  計埋之前上個間一供試左4間.   1. Little Gym (ENG) 2. Little Habs TKC (ENG) 3. Kidversity LCK (CHI) 4. Honey Bee MF (CHI)   環境: Little Habs > Little Gym > Kidversity > Honey Bee 課室 - Little Habs課室實在太靚, 太大. 不過等候區就無玩具 (不過唔知如果唔係試堂可唔可以早d入去玩) ^Little Habs網上截圖 等候區 - Kidversity暇好較大較多玩具, 不過佢課室相對較細.   家長觀課: Kidversity同Honey BEE都可以兩個家長一齊上, 呢點幾好, 始終親子活動最好可以比一齊入 Little Gym只比一個家長入, 但另一位可以隔住大玻璃睇晒上堂情況, 隨時可以換另一位入去 Little Hab就只限一位入去, 但另一位只可以係校門出面等, 唔比換人. 出面只睇到playarea睇唔到課室   教師同內容: Honey Bee 同Little Hab都有老師加TA, TA上堂時會幫手拍照再上載去Facebook/intranet比家長下載 四間都有基本唱下歌同Bubble Time, 唔同既地方: Little Gym: 著重練習小肌肉, 比較多走動, 亦歡迎小朋友走黎走去探索. Kidversity: 每堂有唔同主題又有Messy Play Little Hab: 都係有Messy Play 同 Story time, 亦會出Playarea同另一班一齊唱歌 Honey Bee: 比較著重教小朋聽指令, 如Tea Time要等埋一齊先開始食(當然等唔到haha), 跟同學交換玩具   好處/缺點: Little Hab: 只有平日堂, weekend沒有, 如果唔係我一定報呢間, 始終環境太吸引! 加埋每班會以差不多年紀分班, 避免年齡差太遠一齊上. 但價錢相對較貴 Little Gym: 上堂人數較多, 好多時候都十幾個人一堂, 不過好在課室夠大唔算迫. 而老師都唔介意小朋友走黎走去, 比較Free Style, 好啱坐唔定既陳皮, 不過缺點就係訓練唔到小朋友坐定定 Kidversity: playarea就好舒服, 但課室較細,變左小朋友上堂唔可以四圍走, 因為根本無空間比佢走. 但Messy Play主題都幾有趣 Honey Bee: 出面Playarea較細無換片既地方, 全中文有D唔慣, 連唱歌都係全中, 不過唔算缺點既. 整體樣樣都有D, 唱下歌, story time, 教下自理(自己執野, 食野要舉手)又有茶點時間 (陳皮最愛), 所以近近地我地最終報左10堂上.  ---------------------------------------------------------------------------------------------------------------------------------------------------------     不過除左Little Gym外, 其他我地都係試左一堂, 所以唔可以作準, 純粹個人意見分享. 如果有時間可以試左堂先, 慢慢揀間適合自己既小朋友, 因為每個小朋友都唔同, 有D可能鐘意坐定定上堂, 有D根本坐唔定…唔同年齡又可以試下唔同模式既堂 上playgroup其實唔可以期望會學到D咩, 但陳皮平時係屋企唔肯做既執玩具, 佢上堂見大家都放玩具入箱, 神奇地佢又會跟住做, 所以上下playgroup等第三者教下佢野又幾好, 所以我地最終報左Honey Bee玩十堂, 9月又再轉其他playgroup, 等佢上堂學下聽指令, free play就留返係屋企同佢玩.   Follow me: Instagram: https://www.instagram.com/kaden.hk/ Facebook :https://www.facebook.com/kaden.hk   2019大阪櫻花之旅 出門旅行必備三寶 BB溫泉初體驗-大阪空庭溫泉 ［大阪親子遊-万博記念公園］ [大阪親子酒店推薦］   育兒篇 在職媽媽加固之路BLW vs 粥仔 濕疹媽媽最愛保濕用品分享 陪月篇: 究竟應唔應該請?請又要考慮咩? 生仔篇: 公立定私家? 豬隊友最易激嬲媽咪既說話!   玩樂購物篇 唔駛排隊唔駛聽講座都有禮物送既媽媽會 團購寫真信唔信得過? [G-market Playmat 購物篇] [荔枝角大樹先生 - 初體驗]