黎到33 & 34w , 覺得時間真係過得好快. 仲有1個月, 就見到BB喇~ 好緊張, 好開心. 但又好擔心, 唔知到時會點呢.. 我睇好多bad news 知道媽媽係生產過程中, 會有好多意外既機會. 我只希望可以順順利利生B, 再同佢一齊健康成長!!   走佬袋方面其實早幾個星期前執野已經執左一大部份. 下次紀錄一下入面有咩.   7月12日- 34w 同媽媽走2場去產檢. 朝早10點15分返聯合. 見無咩人, 本來以為好快. 點知都係搞到11點40分先走得. 臨走, 醫生叫我同私家果邊講睇下粒肌瘤既情況同BB size.  下次2星期後攞返report 俾佢睇. 之後同媽媽去左美心坐同食 lunch. 2點就搭1A去TST睇方醫生. 約左3點15分..又等呀等成個鐘先有得睇. 方醫生話唔知到有肌瘤, 可能係BB擋住/ 太細粒. 之後話返俾我知, 阿B頭仔同肚圍都大左1星期, 大脾就長左2星期. 睇黎係長腿oppa 噃  所以整體來說, 係35w 既BB, 即係大左一星期. 係個中至大碼既BB.   其實呢2個星期, 阿B好明顯又大隻左. 以前佢踢我係一下一下..宜家係一舊咁移動. 可能佢覺得無咩位置喇. 阿B乖. 到左37 w 一足月, 媽媽就隨時 ready 你出黎架喇~ 等多幾星期下~   尋晚瞓左係床未瞓著, 阿B打 c egg, 咁岩我背住大少瞓,  佢隻手放係肚上面. 佢好出奇咁問阿B做咩一下一下咁跳..咁細細力.  我話係打 c egg. 我已經慣左. 佢就好似發現新大陸咁自己傻笑~ 真係好想記低呢D sweet moment. 出世後大家都唔會再記得   另外, 之前我問大少有無肚紋, 佢話少少啦, 幾條囉 呢排個肚大得好快, 我唔信佢, 自己照下..我就覺得好多條囉  之後問返佢又話少既. 佢話你唔搽野仲多呀. 宜家叫少架喇. 唔好放係心啦 都唔知好嬲定多謝佢安慰我....