今個星期已經踏入左26週... 個肚突然大咗好多, 大到食量每餐要減返份量, 真係要實行少食多餐了   我算是一個比較幸運既媽媽, 一開始頭12週, 沒有孕吐, 但我還是有可惡既胃氣, 當時一食完飯, 個肚就脹起黎大到成4個月咁款 每食一餐都胃頂頂咁, 唔係幾舒服 當剛剛過12週之後, 情況就慢慢好返了   到左孕中期, 胃口大好, 不過為左生完牛小B之後可以容易修身, 我都盡量食返有益、有營養既食物 本身對食物營養一直都有點研究, 畢竟喺有牛小B之前, 我都好好去實行7分飲食 3分運動既習慣。所以為到牛小B既健康, 我都上網做左好多資料搜集~  究竟應該要係點食先可以均衡營養呢?   網上資料太多, 我都唔喺呢度續個講比大家知...   不過我就有個小貼士點樣可以長胎不長肉~ 就係由早餐開始做起! 點解係早餐呢? 因為早餐係一日三餐 (懷孕後都變一日五餐了) 入面最容易控制既一餐, 好少會有人約你食早餐, 同埋如果你好似我咁係返office工既, 成日要諗買咩早餐食其實都幾煩惱既, 所以今日會講下我點樣預備我簡單、快捷又營養豐富既早餐   我早餐頭號推薦 - 烚蛋   懷孕期間係需要補充較多既蛋白質既, 雞蛋就係一個幾好既蛋白質來源。 "咁雞蛋只係食蛋白又好唔好呢?"  如果你係減緊肥既話, 只係食蛋白既話的確可以減少油脂攝取, 不過而家有左牛小B嘛, 最重要既係營養 成隻雞蛋入面營養最豐富都喺晒蛋黃~ 營養價值: 蛋黃裡面含有豐富既卵磷脂、維生素A、D、E、維生素B群、鐵、鋅等等既礦物質。 卵磷脂對孕婦同產後婦女係特別需要架~ 準備係超級方便 平時喺屋企, 如果有電蒸爐, 蒸佢10分鐘左右, 就會係全熟蛋 另外, 如果大家都係OL而公司都有pantry仔, 我會建議大家喺淘寶入手一個電子蒸蛋器!!! 操作非常方便, 亦唔洗睇時間, 自動斷電的, 加上佢非常迷你, 放喺pantry都好方便   第二必推早餐 - 藍莓全麥維+高鈣杏仁奶   大部分營養師都好推薦早餐食全麥維 (All Bran Stick), 因為佢高纖、無糖、升糖指數低, 絕對比你買市面既麥片健康。 另外, 我唔係咁飲得牛奶,飲完都會胃氣脹, 所以我會選擇買高鈣杏仁奶代替牛奶, 一包250ML既杏仁奶已經有超過400mg既鈣, 而佢既糖份相對都比乳糖少, 卡路里又比豆奶低, 所以我會比較喜歡飲杏仁奶。   第三必推早餐 - 花生醬多士   聽落呢個早餐好肥咁喎~ 如果你去茶餐廳食的話, 我會話你知係真係幾肥 不過如果自己整呢, 就有個健康版 花生醬係低脂低卡版, 呢隻花生醬非常方便, 佢係比市面既花生醬少脂少甜, 但花生醬味都仲係好香 麵包我就會買全麥包, GI值比白麵包為低, 所以會健康啲 始終懷孕期間, 口味都間中會想食啲甜野, 呢個花生醬多士幫到唔少忙     呢個早餐既組合, 一星期裡面總會見到佢吔至少2日架>V< 烚蛋 x 1隻 藍莓全麥維+高鈣杏仁奶 x 1杯 花生醬多士  x 2塊 (卡路里: 432)   大家都不妨試下 :)   ♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦ Instagram: https://www.instagram.com/wickyinstajournal/ Facebook: https://www.facebook.com/wickypediahkg/