李澄已經克服入黑房睇劇場 ，因為我地今日去睇嘅 「#小樹的神奇音樂畫筆」係非一般劇場，一個鐘頭入面嘅故事由歌聲、樂器聲、跳舞、睇名畫、畫圖畫貫穿，2歲半嘅李澄睇完都話「好好睇」。 . 朋友屋企有幅黑板牆可以任畫，李澄琴日就用唔同顏色畫咗好多「一節一節嘅路軌俾火車行過」(佢而家嘅句子已經好長???? ，畫得非常開心。「小樹的神奇音樂畫筆」主題之一係畫畫，所以李澄都好投入，無論係用畫筆畫花 ，用發光筆畫喺空氣畫圈圈，佢都好 #俾心揮動小手  返到屋企仲攞媽媽支珍藏牧童笛出黎吹，因為佢係蛋糕姐姐介紹嘅音樂畫筆之一 ~~ 劇目好多互動位，小朋友絕對 #可以大聲講嘢，同 #走落舞台一齊玩。仲有介紹3位名畫家，包括好多人都識嘅梵高。一個鐘嘅玩樂時間，俾澄兄接觸到唔同嘅藝術知識，媽媽非常滿意! . #湜澄媽感想 對蛋糕姐姐完場時講嘅感想最深刻，大約係指大家 #盡力喺自己能力範圍，#保護小朋友嘅將來。（原諒我金魚，蛋糕姐姐全句太長，我記唔到）。2047年，媽媽希望到時30歲嘅李澄，仍然可以自由自在唱歌、跳舞、畫畫、講長長嘅句子。感謝現在為我們努力爭取的青年人們。 . 謝謝 一舊飯團 蛋糕時間 的用心。 期待下次再見 . . . #寫於811失眠夜 #兒童劇場 #親子活動 #不切劃位 #香港加油     = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com