立左秋, 天氣唔明顯但喉嚨同皮膚都比左提示, 乾乾地, 又痕痕地.... 2隻小魔怪由細到大都好鐘意飲湯, 今次有幾款湯水想介紹下, 2隻魔怪都係大愛, 一家大細, 男女老幼都岩。  **細佬喺6個月開始, 我就會比湯佢飲, 相對真係冇咁多病痛** 當然因人而異同埋份量吾洗太多 第一款係魚唇湯 材料: 魚唇  淮山 , 龍眼肉, 次實 紅蘿蔔 豬展 魚唇煲出黎比花膠更張口同滋潤, 而且係好香好甜。 佢地通常9秒9飲晒 (＾▽＾)    第二款係紅衫魚湯 平靚正推介 魚湯又係好香 好甜♡ 小朋友都會鐘意同埋有時當湯底煮粉比佢地食都好好味♡ 材料: 紅衫魚(通常我買一兜幾條果啲)，紅蘿蔔，蕃茄，薯仔(≧ω≦) 飲得魚湯多皮膚同骨骼都好啲!! 第3款就係鱷魚肉花膠湯 鱷魚對喉嚨氣管好, 我相信好多人都知道。 材料: 鱷魚肉乾(我通常樓上/合昌買)，花膠(平果啲得)，無花果，雪梨乾，南北杏，龍眼肉，豬展。 記住鱷魚肉同豬展同埋花膠出左水先, 如果吾係會好腥架(*^ω^*)♡ 下次再介紹多幾款湯水岩秋天飲♡