未有妹妹嘅時候已經覺得呢條來自韓國嘅 KONNY 揹帶好正，顏色靚又好輕便。 所以一知道有咗妹妹就好快訂咗 今日第一次一拖二出去，更加覺得佢好好用！ 個人覺得： 1. 好貼身：好處係bb會好有安全感，唔好處係身貼身可能會好熱，所以怕熱嘅話可以買佢嘅”Summer”款，布料會透氣啲 2. 輕身但有承托力：揹帶薄，唔會加重負擔；妹妹有差不多13磅，條揹帶都唔會墜晒落去，承托得幾好 3. 用法簡單：好似著衫咁套落個身度，再放bb入去就得，一個人可以輕易揹到，唔使人幫 4. 初生就可以用，官方話可以用到bb 20kg，不過我覺得到bb成20磅都已經會好迫，到時改用hip seat會好啲 5. 顏色靚：可以去佢哋官網睇吓，都幾多色揀 俾大家參考： 官網提到如果唔肯定用咩碼，可以經email俾自己嘅高度、孕前重量佢哋，佢哋會建議返。 最好唔好買大一個碼，因為貼身先會包得bb安全㗎。我用緊嘅係XS，初初放妹妹入去都好似好緊咁，但習慣咗就OK。 價錢：我買嘅時候做緊sale，連運費（由韓國用DHL寄到香港）港幣500幾蚊 官網：https://konnybaby.com   Like our Facebook Page: https://www.facebook.com/weplaynlearn/ Follow us on Instagram: http://www.instagram.com/kly.chu