副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【懷孕飲食】準媽媽驚自己唔夠營養比BB - 補充品篇

1. 惠氏 Materna (適合整個懷孕期)

Matt豬媽媽都算係半個過來人,懷孕初期胃口唔好/嘔吐都一定會擔心個胎成長慢,驚BB吸收唔夠營養等等⋯ 今次想分享下懷孕期裡面除左早午晚餐以外我會補充營養既食物呀。個人唔會過份補給,均衡健康最重要! 有關早餐篇可以click下面睇返呀! <懷孕日記> 大肚食乜好? 懶人推介簡單又易整 - 早餐篇   1. 惠氏 Materna (適合整個懷孕期) 首先係維他命,相信好多媽媽都一定會有食唔同牌子既維他命丸,而我就由一開始懷孕就食惠氏Materna 到而家26 weeks喇,一粒有多種維他命&礦物質,同埋葉酸含量足夠每日所需,每日一粒唔洗再額外食其他!如果有去健康院仲可以免費開比你的(可以慳返小小)   (相片來自網絡上)   2. Enfinitas 媽媽藻油DHA   懷孕媽媽每日建議吸收200mg DHA, 為BB腦部和免疫發展提供關鍵的營養成份。但日常飲食當中,要攝取到足夠份量比教難,所以我都係由一開始就食藻油DHA膠囊,每日一粒足夠懷孕&哺乳媽媽所建議的每日攝取量。 (相片來自網絡上)   醫生有講,懷孕期頭三個月胎兒主要靠supplement吸收營養,所以經常孕吐無胃口既媽媽都唔好太擔心,食足夠維他命補充都可以。   3. 燉肉汁 (新鮮瘦豬肉/牛肉) 除左維他命/DHA膠囊,我間中一星期都有燉肉汁飲下,營養價值都唔錯,自己整又簡單健康!   4. 滴雞精 如果好小煲湯水,我覺得滴雞精都係唔錯既選擇,勝在夠方便唔洗自己煲又唔怕油膩!獨立包裝 放入熱水到加熱就可以飲啦,我多數朝早飲完出門口的。 (相片來自網絡上)   5. 燕窩 /冬蟲草  過左5個月後有食下燕窩&冬蟲夏,兩星期一次左右(如果有婦科瘤就一定唔可以食呀),適量食用都助增強抵抗力同吸收營養的(坊間都有好多有關好處/壞處不同說法,所以都係取決自己接受那種說法) 蔘茸海味補品,一直我都唔建議食太多,因為過份進補BB未必吸收之餘又會令媽咪體重加快上升都唔係健康既事呀! 每人體質都唔同,進補前一定咨詢醫生了解清楚先食呀 !   其他日常返工會食的營養食物如下: 鈣質: 鈣思寶, 安怡奶, 脫脂奶, 小魚乾 零食: 合桃, 果仁, 紅莓乾, 提子乾,即沖蕎麥片/麥皮,榖麥餅  飲品: 無糖果汁, 豆槳, 檸檬水, 生果:奇異果,香蕉,蘋果,橙,提子,火龍果   以上純粹本人意見, 沒有廣告成份的~ 大家可以自行評估適合/不適合喔~~(如有問題, 歡迎PM我) MATT豬媽媽日常生活可關注: INSTAGRAM   歡迎產品試用/邀犒合作/活動邀請: EMAIL chuimei_chung@yahoo.com.hk