副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

《如何將怕羞小豬練成為勇敢小孩?》第1篇

揚家姐出世開始已經係怕羞豬,怕羞程度相信係達到十級。一歲前有人嚟我哋屋企,佢會喊足三個鐘。相信家有怕羞豬嘅父母都覺得好頭痛,有時又覺得好激氣,替佢唔藉,唔能夠將自己嘅能力喺人哋面前發揮出嚟~

揚家姐出世開始已經係怕羞豬,怕羞程度相信係達到十級。一歲前有人嚟我哋屋企,佢會喊足三個鐘。相信家有怕羞豬嘅父母都覺得好頭痛,有時又覺得好激氣,替佢唔藉,唔能夠將自己嘅能力喺人哋面前發揮出嚟~ 過去呢幾年我都做咗、試過好多唔同嘅嘢,今日揚家姐已經可以好大膽咁係人面前講嘢,同係台上面表演。我哋暫時考小尚算順利,暫時有一間私小Offer,同一間收6千幾個application 嘅直資嘅second in(未知結果)~ 就等我由細個開始講起~由於揚家姐非常怕羞,1歳前基本上都好少同到陌生大人玩(大人好緊要,因為見試時一定係大人),我就非常惶恐,因為過多幾個月已經要面試n班。於是乎我每晚放工後都會同佢落街,一齊搵5個陌生人開口打招呼。目標要搵到5個才收工,好似sales跑數咁。呢個唔止對揚家姐,對我嚟講都係好大挑戰,無啦啦係條街度搵人打招呼,真係有啲尷尬但為著考n班唔會食蛋,唯有頂硬上⋯大概過咗幾過月,揚家姐對住陌生人已有好大改善,至少唔會喊,同有時心情好都會講hello   Tips:何來搵咁多陌生人❓最容易就係去超級市場和屋苑門口更台‼️啲超市ee/看更叔叔見你打招呼,基本上實會笑笑口say hi(半被迫),同埋好多時同你帶住BB都會主動同你講嘢。其實搵5個人打招呼都唔係好難嘅,但當然你唔好日日搵同一個ee/叔叔,如果唔係就唔好問點解佢遠處見到你同阿b會閃咗人..... 你哋家中有無怕羞小寶貝? 如果想知如何將怕羞小豬練成為勇敢小孩,就記得讚好我嘅Facebook page https://www.facebook.com/yeungyeungmama/