燈籠又俗稱花燈  好耐好耐以前原來係一種古老既照明設備  於亞洲被視為傳統民間工藝品 眨下眼就到中秋節   一於買材料同包包試下整傳統燈籠 等佢順便認識懷舊手作工藝   實行自己燈籠自己紮 材料: 1. 竹篾  2支  *購於紙紮鋪 2. 皺紙 3. 玻璃紙 4, 皺紋膠紙 5. 漿糊 6. 較剪 Cutter  包包已經急不及待幫手準備材料 *(各位家長請記得要好好保管所有危險工具) 竹篾有相對的堅韌度   折斷時請小心木刺 另可用柔力屈出孤度  而接口需用上皺紋膠紙包好 如想製作球體  只需做出多個圈圈 一個一個地接起來就可以 以上步驟可能對小朋友黎講相對困難 但以下塗漿糊過程可以放心搵小朋友幫手 原先貼上綠色皺紙是因為包包想整怪獸公司的大眼仔角色 但包包突然想轉整麵包超人   於是改用了橙色玻璃紙 *逐漸貼上皺紙/玻璃紙時  可先放入電子燈泡  還要記得預留一個位置不用貼紙 以便開關電子燈泡 至於麵包超人鼻子就用了紅色玻璃紙貼上   白色小正方形就是用皺紋膠紙剪出 而眼睛和咀都是最後用marker畫上的 最後加上小手挽   就大功告成 包包對於哩個新玩意大感好奇   因為同平時玩開既吹氣燈籠唔同 而且自己落手落腳DIY   特別鐘意製成品 家長們仲可以好好享受親子時間   你會不知不覺間覺得小寶貝又長大了 祝大家過一個愉快既中秋節    中秋節快樂  ★ 米高媽媽手作教室 ★ 【變變變 ♥ 讓廢物變成獎項】 【德國AVENIR KIDS送禮 ★ 創意藝術教材禮品包 】 【Gifthing送禮 ★ 寶寶手足印禮盒set 】