作為媽媽，尤其係生女兒的媽媽，就算寶寶只有2個月大，都一定會好想為寶寶扮靚靚，因此明知BB衫仔只能著數幾次，都會忍唔住手買買買，跟住就幫佢影影影  其實我自己都算係喺買衫仔方面好克制，因為剛好有大小Sheryl 5個月的糖哥俾衫仔我地著，即使已經夠晒衫著，我都忍唔住買下衫仔俾小Sheryl著，今次想分享一下買衫仔俾BB的小心得。 喺BB未出世之前，已經有屋企人俾左D衫仔我地，又在外面買左D，當BB出世後，就發現有部分的衫仔對於我來說唔多實際，例如以下呢D: 1. 橡根頭褲仔 我發現小Sheryl在頭1個月都唔喜歡穿褲仔，我指的是只得下半身果種橡根頭褲仔，我懷疑係佢唔喜歡條褲仔Koo住個肚，覺得唔舒服，一穿褲仔就會喊喊，係差唔多到2個月之後先好D，接受番褲仔。 2. 無包庇鈕的衫仔 市面上有好多BB衫仔賣，有部分係無包庇鈕的，呢種衫仔由於無包庇鈕，而小Sheryl成日都周身郁，所以好容易會戚起晒，露出個Pat Pat，有時仲會露出個肚仔，咁樣怕佢會入風，所以我買左呢類型衫仔都無再穿了。 3. 過頭粒嘅衫仔 由於我係新手媽媽，而小Sheryl出世時又屬於細碼B，幫佢換衫時我都好驚驚，驚整親佢，又姐手姐腳，所以過頭粒類型嘅衫仔對於我來講很難Handle，所以我都係建議如果係新手媽媽都係選擇前面有鈕全開胸或者綁繩果D和尚袍會好D，容易handle D~ 4. 後面有鈕的衫仔 我試過幫小Sheryl著過件後面扣鈕的衫仔，結果發現幫佢掃風時D鈕阻著掃唔到佢背脊，好唔方便，所以從此我唔會選後面扣鈕的衫仔了～ 因為我好想俾小Sheryl著下裙仔，因此我就周圍搵又要前開胸又要有包庇的裙仔款，發現市面上原來有少呢種BB裙仔，所以我就在日本找，發現日本會多D呢D款式，我就入左D貨番黎，如果有媽媽同我一樣都對呢種裙仔有興趣，可以去我的facebook page選購一下喔! https://www.facebook.com/bjbabyhk/ 另外，我都想講下2個外國網同淘寶買BB衫的網，分享一下我的網購BB衫經驗喔! 1. Next - 呢個網超平、質地也好好 https://www.nextdirect.com/hk/zh 我已經買過2次，呢個網入面有好多過頭粒衫仔，我就無選呢D款，只選了前面開鈕的連身睡衣同睡袋，連身睡衣仲有得選有機棉Organic Cotton的，只係百零蚊有3件，質地好好又抵買! 而睡袋質地比較厚適合冬天用，而且Size好大，可以有排用! 呢個網推薦喔~~ 2. Pat Pat - 呢個網唔推薦，個人認為質地唔得 https://www.patpat.com/ 呢個網係超多廣告，而且有matching outfit親子裝選，不過質地方面就麻麻地，我買過一套matching outfit，就係我張大頭相果套，大人果件都OK的，但寶寶果件就唔係全棉，比較焗，比小Sheryl著只係出街著一陣，因為質地好焗佢係咁出汗。而另外我選左件黑天鵝裙仔俾佢，呢件質地超差，我早2日幫佢著左，個黑色Lace裙襬位狂甩毛，D毛痴晒在小Sheryl的身上，要慢慢整番走，我一發現立刻除左佢，掉落垃圾桶! 呢D衫真係點可以俾BB穿…. >.< 3. Taobao淘寶 – 我買過2家店，其中一家我覺得唔錯 https://yolanda1688.world.taobao.com/shop/view_shop.htm?spm=a1z09.2.0.0.1e1f2e8dJQySJ1&user_number_id=648816934 呢家我買左全棉的包庇裙仔，一套的有埋外套仔，質地唔錯，穿起上來都幾靚，可以回購!~   其實為BB選衫仔真係最好睇清楚衫仔的質地，最好選純綿的，如果BB有皮膚問題更加要小心，可以選有機棉Organic Cotton的衫仔會更加好喔!~     =============================================================== 80後手作媽媽 - Sing Ching  作為一個80後手作人媽媽，自寶寶出世後，對她穿的用的都每天學習研究，務求給寶寶最好的，也很想跟新手媽媽們分享經驗，盡力搜羅實用又靚靚的寶寶衣服和用品，以貼地價錢分享給大家！有興趣媽媽們歡迎Follow以下Facebook Page: https://www.facebook.com/bjbabyhk Follow 我們的Instagram睇更多小Sheryl的生活照啦! https://www.instagram.com/bjbabyhk/ 如有任何邀稿或產品試用，歡迎電郵聯絡: bjacchk@gmail.com