秋天天氣乾燥　喉嚨好易唔舒服　皮膚又乾又癢 增強抵抗力　睡眠充足非常重要 同時飲用涼茶更能夠滋陰潤燥　潤澤肌膚 今次米高媽媽為大家推介5款秋日涼茶  天然甜  無需添加任何糖份    健康之選   小朋友仲可以以茶代水 秋日涼茶NO.1 金羅漢果菊花茶  份量:金銀花菊花甘草(半包)          金羅漢果一個  *清熱潤肺  可化痰止咳 準備工夫非常簡單 STEP 1:先將所有材料洗淨 STEP 2: 金羅漢果需先沖洗 然後壓碎放煲 放入3L 滾水   以中火煲20分鐘左右 熄火後再焗10分鐘 就可以煲到5-6人份量既金羅漢果菊花茶 入口甘甜潤喉  秋風起  喉嚨乾涸   飲完即刻舒服晒 *溫馨提示: 中醫角度   羅漢果偏涼   唔係人人身體適合   患感冒的/孕婦都不宜飲用 秋日涼茶NO.2 陳皮羅漢果茶  傳統羅漢果  味甘性涼  有潤肺止咳  生津止渴功效 如想果味更濃郁  可以按以下方法煲出羅漢果茶 另外都可以先將羅漢果洗淨壓碎 放入保溫壺 用熱水泡法  如加入陳年果皮  更可清熱潤肺   化痰止咳 一個羅漢果加一小片陳皮  就可以煲出4-5杯陳皮羅漢果茶 無需加糖已經可以有清甜潤肺　化痰止咳功效 秋日涼茶NO.3 雪梨淮山杞子龍眼茶 中秋過後   天津梨清甜多汁 簡單配上淮山杞子龍眼肉 就可以煲出具潤肺清燥  止咳化痰既秋日涼茶  材料：天津梨　３個 　　　龍眼肉　２５粒 　　　杞子　　1湯匙 　　　淮山　　２片 先將所有材料洗淨放入煲內　雪梨記得要去芯 加入3L滖水　以中火煲約４０分鐘 熄火後再焗10分鐘　由於雪梨龍眼肉是天然甜的來源　因此無需額外加糖 就可以製作成４－５人份量既無添加雪梨淮山杞子龍眼茶　潤肺明目 秋日涼茶NO.４ 粟米蘿蔔冬瓜茶 *街市哥哥推介用（右邊）泥蘿蔔會較甜　（左邊）為甘筍 各位媽媽去街市有冇見過唔同種類既冬瓜呢　　原來佢地有年齡之分 先將所有材料洗淨　切件放入煲內　４人飲用　加入2L 滾水 做法如下　相當簡單 粟米蘿蔔冬瓜茶天然清甜　一家大細都適合飲用　 包包同細佬Ｂ最愛 秋日涼茶NO.５ 龍利葉蘋果無花果茶 材料：美國蛇果　２個 　　　新鮮龍利葉　１５片　（購自街市花檔） 　　　無花果　４粒 　　　南北杏　少量 　　　陳皮　１小角 先將所有材料洗淨放入煲內　蘋果記得要去芯 加入3L滖水　以中火煲約４５分鐘   熄火後再焗10分鐘　由於蘋果無花果是天然甜的來源　因此無需額外加糖 就可以製作成４－５人份量既無添加龍利葉蘋果無花果茶 龍脷葉清肺止咳化痰　無花果有效舒緩喉嚨不適 　羅漢果又能清熱潤肺 最適合秋天飲用 希望大家鐘意米高媽媽５款天然甜無添加秋日涼茶推介 更多育兒資訊分享@ 包包陪細佬b看世界 facebook專頁