開始轉天氣，有時覺得喉乾乾，尤其揚細佬嘅氣管差到無朋友，已經好似成日痰上頸咁~ 所以我即刻去街市買咗啲材料，煲返啲快靚正嘅秋天滋潤飲比小朋友飲下，改善氣管咳 材料好簡單 蘋果 （生津潤肺）：1-2個 雪梨 （潤肺清燥）：2-3個 (可雪梨乾代替) 麥冬 （滋陰健脾）：約30克 百合 （清熱安神）：約30克 無花果 （清潤）：3-4粒 南北杏：約30克 川貝（化痰止咳，氣管無乜特別特別可以唔落）：約12克 做法 1) 蘋果刮去皮上的蠟，雪梨洗淨，去芯切件。 2) 無花果、百合、麥冬、南北杏浸洗淨。 4) 無花果剪開一半。(剪開才出味) 5) 鍋注入水，加入所有材料，大火滾10分鐘，轉小火煲1小時，完成。(如果唔夠甜，可加入適量冰糖) 好清甜，飲完揚媽媽即刻覺得好成個人都滋潤，揚細佬都咀lamlam Remarks: 1) 蘋果連皮煲有一定功效。 2) 蘋果/ 雪梨需去芯，否則會酸苦。 3) 材料有藥材成份 ，要了解自己個人體質是否適合飲用。   想知更多親子去玩去食/ 有關入學虎爸虎媽資訊，請讚好我嘅Facebook 專頁 https://www.facebook.com/yeungyeungmama/