嗱嗱嗱,先利申,豆沙媽媽係做fashion 界,merchandisers 界 讀完個fashion degree,一畢業入行就做布料,中間無轉過行, 咁一做就做足十幾年(曝露年齡!?sh_t!) 其中最瘋癲時期做某英國牌子的女裝+童裝,一年飛幾次,英國巴黎大陸,見客,睇布展,comp shop Comp shop 即係睇晒高中低價位童裝,仲要映相分析寫report , 最瘋癲係英國同香港都要 兩日睇十幾間童裝 雖然己經係好幾年前的事,但憑我呢啲真真正正貨真假實寫落CV的經驗,寫呢個topic 絕對有資格 (俾我高傲一次咁大把啦) 首先想講下買bb衫的注意事項 安全第一 豆沙媽買童裝只有最大的考慮就係"安全第一最重要" 做過童裝就知,每一個國家對童裝的規例係特別比成人嚴謹好多 例如 英國規定 attach 上童裝的絲帶,腰帶,唔理係functional 定 decorative, 都唔可以長過六吋,因為驚啲小朋友會自己勒到自己 又例如,童裝上的紐扣係會被抽查,拎去公證行做測試睇下你粒紐釘得夠唔夠實,因為唔夠實,小朋友咬甩吞咗,卡係喉嚨就出事 又例如,每塊布係做大貨之前都要做測試,確保塊布無衰縮水,甩色,化學成份,甚至pH value 都會測 (唔講你地未必知,原來塊布的酸鹼值位太高或太低都可能係會引致皮膚敏感ga) 又例如,成衣廠會有架驗針機,出貨前要全部驗一次,確保無針.同埋佢地要有斷針報告,貼晒啲斷針的屍骸出嚟.因為驚有斷針留係件衫到,會吉到人 如果布料 或 件衫過唔到測驗係會成批再做過,如果improve 唔到,最終係要全部拎去銷毀 而且豆沙媽媽覺得仲有一樣野最重要係: 想問下大家的bb咬唔咬衫?試諗下如果你bb咬衫,而塊布上面係有啲有問題的化學物質,bb就直接食咗落肚ga la 結論係:買有牌子 或者 係可信的地方買BB衫 就會有保障 牌子,唔一定係名牌,唔一定貴,普通gap, uniqulo, H&M 其實都會做測試 偉大的淘寶,網上商店,Facebook店,街邊檔 來源唔清楚,正貨定翻版,有無做測試,中間有無人做假,十萬個問題,真係無人答到你 真係佢講你就唯有信 (下一個blog 會講下買BB衫的 tips / 有咩shop 推介,敬請期待)