相信大部分小朋友都好似我對仔女咁,鍾意 pokémon。由電視卡通片,追睇到電影版,再玩埋風摩一時嘅「捉精靈」遊戲,熟讀精靈圖鑑,誓要做個出色嘅精靈訓練員。 各位大小精靈訓練員,快d黎屯門黃金海岸嘅「道館訓練營」啦,有種種關卡考驗大家。商場有攤位活動考考記憶力、眼力。 酒店就有戶外大型充氣迷宮、滑梯、投擲球同埋障礙賽。通過各項難關後,可以得到精美禮物。 除咗玩遊戲,提提大家預多d時間影相打卡,商場內外、酒店大堂都有多個比卡超同埋其他精靈角色。 其中特別推薦商場中庭嘅6米高聖誕比卡超,同埋酒店大堂嘅4米高聖誕樹,由唔同嘅精靈毛公仔砌成,非常矚目。 黃金海岸酒店推出「pokémon道館訓練員聖誕住宿計劃」,入住豪華海景客房之餘,仲可以參加「Pokémon 環保袋工作坊」,設計獨一無異嘅比卡超布袋,及獲贈小智棒球帽。 酒店亦設Pokémon主題客房,床單、枕頭、浴室等都係 Pokémon 佈置,必定住到唔捨得走。 呢個12月,一家大細黎黃金海岸玩同打卡啦,比卡超仲會定時係場內現身,同大家近距離接觸㗎。最後一提,於商場及餐廳以電子貨幣消費滿$600,可以換領限量版行李帶。 【黃金海岸道館訓練營】 日期:2019年11月23日至1月1日 時間:中午12時至下午10時 地點:黃金海岸商場中庭 【道館訓練挑戰 (中庭攤位遊戲)】 日期: 11月23、24、30日、12月7、8、14、15、25、26、28、29日及1月1日 時間:下午2時至6時 黃金海岸酒店住宿詳情: http://bit.ly/pokemon-package-tc 更多資料請瀏覽: http://www.goldcoast.com.hk http://www.goldcoastpiazza.com.hk http://www.goldcoasthotel.com.hk