聽講在寶寶六個月時，其實可以去游水。我同太太都認為，游水係一個求生技能，真係一定要識既添。 今日帶呀仔去元朗一間Baby Spa度游水。但與其說是游水，倒不如說是嬉水，讓寶寶適應水中環境，早一點不畏水。去之前我地做左少少資料搜集，包括要帶備的用品、游水前後的準備，以及大概寶寶的反應等。 一般游水時間會係15分鐘，初初落水時呀仔無太大的反應，之後慢慢自由探索水中環境，再嘗試踢水同轉圈等等。我同太太亦試用公仔引佢游過黎，又試下用水滴聲引佢注意，務求令佢旭多幾下，擰多幾野。 （呢個暖水池夠呀仔踢水有餘） （玩到尾果陣佢似乎適應左，同媽媽玩到笑得好大聲） 游完水之後，職員姐姐幫呀仔沖涼洗頭同按摩，慶幸呀仔無扭計同唔怕陌生人，而我地亦可以偷師睇下幫寶寶沖涼同按摩既招數。總括黎講，這算是一個不錯的新體驗，幫呀仔放電之餘，亦可試試呀仔驚唔驚水。   泥圍爸爸的育兒時光 Facebook https://www.facebook.com/laiwaipapa/ Instagram https://www.instagram.com/kennethlaife/