講返之前第一次帶Big住酒店，佢真係開心到爆，有張咁大又軟嘅床，佢係真係金絲雀咁碌嚟碌去，仲跳嚟跳去。 迪士尼啲酒店都真係好啱帶小朋友住，有好多BB-friendly 嘅設備。 訂房時可以寫埋想要： - 床欄 - BB床 - 暖奶器 - 奶瓶消毒器 - 嬰兒浴盤 除此之外，原來酒店仲好貼心咁自動提供埋 BB沖涼液、洗頭水、潤膚露，亦有兒童牙刷、拖鞋。 <大枝樽裝水> 我本來特登帶咗樽裝水嚟沖奶，點知房有兩枝勁大，早知唔洗咁重帶去。 <BB床> 雖然big最後無訓到，但張BB床跟埋一張小童被一齊，唔洗逼住要Big冚勁重嘅大人被 <床欄> 我將一對兩塊嘅床欄扣晒喺床嘅同一邊，我自己訓另一邊做人肉床欄。 <浴盤> 唔係幾用得慣，因為Big媽有點潔癖，洗乾淨晒個盤都係唔多接受到俾Big坐落去，企喺個盤又差啲反盤，最後直接企喺企缸沖。 <暖奶器> 用嚟整暖盒裝保利奶，同埋寶寶百味嘅即食粥非常方便，咁就解決咗BigBig喺房食咩嘅問題。 <生日待遇> Big爸係12月生日，但訂房嗰時完全無諗過係關佢事，所以唔記得揀「慶祝」。去到check in 嗰陣先同返職員講，佢哋就送咗個生日快樂襟章，同埋一個靚靚毛巾蛋糕。 <迪士尼卡通> 房嘅電視有得免費睇，但我鍾意大堂播嗰啲多啲。 <自助早餐> 加$248可食埋第二朝的早餐，但我哋無加到，驚朝早起唔到身。果然，第二日大家十點幾先肯醒，好彩無加啫。 <check out 時間> 11點就要check out，略嫌有點早，仲要竟然未夠11點就有人敲門。 <房卡留念> 走嗰時會換兩張新嘅房卡俾你帶返屋企。 探索家係三間迪士尼酒店最新的一間，2017年先開幕，不過探索風令個燈光比較昏暗，唔係個個小朋友啱。我自己就追得好滿意，相信Big都好滿意。 ———————————————— #BigBig生活軼事 #hkbaby #hkbabies #hkbabyboy #hkbabyboys #hongkongbaby #hongkongbabyboy #hongkongmami #hkmami #新手媽媽 #成長記錄 #生活記錄 #媽媽日記 #育兒 #育兒日記 #寶寶日常 #hkig #hkiger #hkblogger #hk #親子   佢實在太開心，將自己塞喺兩堆枕頭之間偷笑