副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

超神奇~ 1小時學識踩單車

揚爸爸對單車嘅熱愛就係人都知,試過通宵踩200km比賽,雖然同啲後生仔一齊踩緊係食塵,但佢都好enjoy~ 揚爸爸希望將來同2隻小羊一齊踩車環台(我就緊係去咗浸溫泉啦~),相信家中有「單車友」爸爸嘅就

揚爸爸對單車嘅熱愛就係人都知,試過通宵踩200km比賽,雖然同啲後生仔一齊踩緊係食塵,但佢都好enjoy~ 揚爸爸希望將來同2隻小羊一齊踩車環台(我就緊係去咗浸溫泉啦~),相信家中有「單車友」爸爸嘅就好體會到~ 所以大家一定以為揚爸爸一定可以教識揚家姐踩車,但現實.... 正所謂「自己嘅仔女係最難教果個」,作為父母一定好明。雖然揚家姐平衡力係唔錯,但奈何天生個膽有問題- 細膽得好緊要,所以未學識踩單車。 尋日揚家姐突然話要學踩單車,我哋緊係把握機會等佢學識,我哋特登去咗搵高人教授。呢間租車連教踩車嘅單車鋪,網上傳聞話1個鐘就學識,緊係要來拜訪一下。間鋪雖細,但確實有好多人等住高人指導,時租只係$35/ 1小時….無睇錯~...係$35….連租包學邊度搵。除咗小朋友,我仲見有一位女士正在學車。單車高人叫揚家姐坐上單車,然後將單車左擺右擺,等佢感受吓點樣用身體去平衡單車,以防自己跌倒。我心裡真係暗喜,果然係高人,學踩單車嘅心理關口就係驚跌,如果知道點樣避免跌倒,加上揚家姐唔錯嘅平衡力應該好快就學識~ 有方法有技巧相信就係快速學成嘅原因罷~ 呢間單車鋪斴近單車公園,小朋友可以係裡面練車;學識咗就可以落單車道玩啦睇到一啲啱啱學識踩單車嘅小朋友帶着滿足嘅樣子踩車 ,我都戳佢哋高興~ 說時遲那時快,揚家姐學識踩兩輪單車啦,yeah~你睇吓佢幾得戚~ 後記: - 單車高人真人係幾cool,黑黑哋,無乜笑容,但佢對小朋友係好體貼,見到小朋友學識踩單車,佢會有個好滿足嘅樣,不少學識嘅小朋友仲會返嚟同佢影相 - $35/小時連租包學真係抵到一個點…..揚揚媽媽覺得單車高人叔叔應該係為興趣和理想,所以大家都可以支持吓佢 - 學踩單車除咗要人指點,最重要都係練習。「跌」係必經過程,所以各位嚟學車最好戴埋頭盔同護膝 想知單車高人嘅詳細資料 ,請嚟我嘅Facebook 專頁啦 https://www.facebook.com/yeungyeungmama/ , 或者Follow我果IG: http://instagram.com/yeung.mama