早前講完軒軒interview嘅趣聞， 話咁快又準備一連三日幼稚園註冊，日期為1月9-1月11。     軒軒一共去左六間學校in， 全部都係喺我哋住嗰區， 行路就可以去到學校。 結果如下： 兩間am offer， 一間pm offer， 三間後備生 最後我哋決定幫軒軒註冊pm offer嗰間， 因為呢間係我哋心儀 number one嘅學校， 係一間以活動教學為主嘅happy school， 希望軒軒可以enjoy同開心咁過呢三年幼稚園生活啦   溫馨提示大家記得要準備好所需文件   以軒軒要去註冊嗰間幼稚園為例， 需要帶去註冊嘅文件就有以下幾樣：  教育局簽發嘅幼稚園入學註冊證  出世紙正、副本  註冊費＄970  一個回郵信封（ 貼上＄2郵票）  由醫生簽發嘅體格檢查評估（ 呢個並唔係每間學校都要， 如果間學校要你提交呢份報告嘅話， 就會喺收咗你入讀嗰封信入面畀埋呢份表格㗎啦）   好多小朋友都唔只有一個offer， 如果其他offer唔要， 記得！記得！記得！禮貌同學校講返聲呀                         產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]