武漢肺炎肆虐 小朋友停課 隱形病人已殺入市區 真係唔敢帶小朋友出街 家長們每日都要諗唔同嘅節目俾小朋友消磨時間 今日就嚟一個小廚神日誌 自家製湯圓  材料 糯米粉一包 (購自超市*半包已足夠6-8人份量)  室溫水 紅糖  薑 除左可以培養小朋友煮野食既興趣  仲可以訓練一下小手肌 *整野食之前  大人同小朋友都要記得洗手 洗手 洗手! 做法相當簡單: 先將糯米粉倒入器皿 另加入室溫水 慢慢攪勻劫 再加糯米粉 或加水搓成粉團 細佬b同包包就好似玩泥膠咁搓搓搓 家長們可幫忙小朋友將粉團分開成一小粒 再讓小朋友自行搓成湯丸狀 或可讓小朋友發揮創意 好似細佬b咁搓條狀 佢仲話係poo poo 而包包就好叻咁特製左可愛Pepe造型 又真係幾似既 另外大人需準備紅糖薑湯煲滾  然後放入麵粉湯丸 煲滾後 見到湯丸浮面即可 *小朋友入廚房最緊要注意安全及由大人陪同 包包幾留心聽婆婆教煮湯丸 另外小朋友進食湯圓時  需由家長陪同 同時可爲小朋友分派較小既丸子或用較剪剪開 以免哽親 自己湯圓自己整  小朋友食得特別滋味 小廚神日誌 簡單又方便 既可享受親子時光  又可消磨小朋友家中度日時間 家長們加油! Like & Follow 包包陪細佬b看世界 facebook專頁 更多育兒資訊及親子活動為大家分享