上回講到做左Nifty Pro，下一關就係照結構喇！ 幾時照結構最好？ 多數係18-22週左右，因為BB既器官都大致發育成形喇。 點解要照結構？ 因為儘早知道BB發育成點，有無d咩先天性問題處理，亦都係令爸媽早日鬆一口氣 其實平時有去睇私家醫生照開超聲波既都唔需要擔心，但係政府唔包你做，你又想仔細d，就最好出去照一下。 本身係媽媽group一早知道某個醫生好出名，又包4D相又包好多野咁，咁我未夠10週就已經book左，點知臨近照結構，收到好多媽媽講呢位醫生照得好hea，唔洗10分鐘就照完，搞到我唔知去唔去照好。 一來地方對我黎講無咁方便，二來佢個價錢收得唔平。到左最後一個星期，我再問下身邊好友係邊度照，點知佢話係產科醫生介紹（我地係同一個產科醫生）介紹左個醫生係我本身之前睇開既婦科，因為一開始book唔到，所以我無再約佢睇。 我隨即就打去book，日期、時間、地點、價錢都非常滿意，就轉左場。 我們book左20週照，到左照個日，照左大約半個鐘左右，有清楚照到晒所有重要部位，會知道當時Bb每個位置既大約size，如頭圍、眼、耳、口、鼻、大小腦、肺、心臟、心跳，脊椎、男/女重要部位、腎、膀胱、胃、手骨生長、手指、腳骨生長、腳趾等等，亦都會知道BB大約重量，暖暖當時係屬中等，只有344gm 而暖爸最擔心既係手指腳趾，暖爸話當醫生數手指個陣好擔心暖暖得4隻手指（完全唔明白點解會有呢個想法） 照完醫生比返隻USB同6頁A4紙（照聲波相同結構總結），承惠$2500，當然就無2D/3D/4D相啦。 好多朋友問我有無另外比錢睇4D樣，我又覺得遲d睇都無咩所謂，只係多樣野係生仔前討論下佢似邊個，咁仲咩唔慳返錢第時買野比佢呢。 不過好多照結構其實會送埋睇3D/4D相既，仲會有好多贈品、幾罐奶粉咁，不過我呢間就無送呀。 總括黎講，呢一關好輕易就過左，安心晒！   歡迎瀏覽與聯絡： Facebook Page Real Fun Family Instagram meowjennn quentinwhy  Email travelwithrealfun@gmail.com