2020-02-14 第一次旅行過情人節，呢日亦係我同老公拍拖十週年，所以我特登安排今日去大阪睇靚夜景浪漫下       8：15a. m.  出發，係地下街間coffee shop食早餐，竟然咁都有兒童餐     廣島-------新大阪 咁早起身，兩兄弟當然都一齊補眠啦     新大阪落車後要再轉御堂筋線去本町，再轉中央線去大阪港，就到達目的地：大阪港天保山海遊館     香港出發時已經知會落雨，好在今日去個啲都係室內地方多，不過係大阪港站行過去都有段小小路，幸好雨勢不大（呢個旅程 trouble2嘅軒軒唔太肯俾我地加雨擋套住bb車，要同佢鬥智鬥力一下）     入商場食左lunch先，有一間間細鋪或者有個 food court，我地揀左： 北極星，食蛋包飯，大人細佬都岩食要係門口order左先入去坐。估佢唔到細細間有小小狹窄，但竟然 bb櫈都有幾張係度， 仲要係獨立一張高身high chair嗰款 我order左兒童餐同軒軒share     食飽就買飛入海遊館，軒軒唔需要買入場費，我地只需買成人門票就得。 同一般其他海洋館一樣，由最高開始參觀，大阪海遊館動線唔錯，沿途好多椅俾人可以坐低，啲路都好闊落 佢地好好架，會營造番冬天落雪嘅環境俾番適合嘅海洋生物 近睇嘅企鵝有點得人驚 仲有個場區可以摸下啲海洋生物，不過軒軒唔敢摸     行完海遊館咁岩落緊雨，好彩行番去商場條路都有野遮住。 食個雪糕行陣街，停雨就去番搭車去下個目的地。     搭中央線去弁天町站轉大阪環狀線去天王寺站 目的地：阿倍野Harukas300 睇夜景     睇夜景前醫飽肚先，係下面商場食肆樓層開餐 軒軒又係兒童餐又有中意嘅玩具（去日本真係唔洗係屋企帶太多玩具去）     天已全黑，上去睇夜景啦（軒軒一樣唔洗買飛） 呢度係大阪最高樓大廈，一出電梯已經wow～wow~wow～ 心心眼勁靚果然我無揀錯呢度 軒軒好厲害，竟然咁高望落去都好快睇到有地鐵定jr 記得要去埋廁所，入面都依然睇到個靚夜景     因為我地搭2025-2154 新幹線，所以睇左陣行左個圈走人嚕～ 搭御堂筋線去新大阪站，買小小野食飲品上新幹線 番到酒店沖好哂涼，老公落去買宵夜，我就氹兩兄弟                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]