紫色的食材做成嘅成品真係好吸引, 之前紫色之作印象中都有好幾款, 近期用過藍莓煮芝士意大利飯, 今次我用上紫薯,紫薯不一定要做甜品, 所以我用最簡單嘅方法, 煮左「粒粒鮮淮山紫薯濃湯」, 淮山跟紫薯營養滿滿又高纖, 可以純飲湯,又或加入粉麵, 細至1歲小B都可以食, 今次我就放了烏冬麵, 湯上灑些麵包脆脆, 再配煎三文魚柳, 就是Bella同我嘅午餐了! 粒粒鮮淮山紫薯濃湯(2人份量) 材料: 紫薯/紫色蕃薯...200g 鮮淮山...40g 洋蔥...40g 牛奶...150ml (如果唔想加奶,可用高湯代替) 水或高湯...150ml 少許油或無鹽牛油 鹽調味 準備: 1. 紫薯去皮切件,可浸水1小時浸走過多澱粉質 2. 鮮淮山去皮,暫不切件,因有黏液所以去皮時請小心????傷手指 3. 洋蔥切碎 做法: 1. 紫薯及淮山隔水先蒸熟,約15分鐘,盛出備用。淮山切粒。 2. 用少許油或無鹽牛油把洋蔥炒軟炒香,盛起備用。 3. 把紫薯,洋蔥,水一起blend成糊狀,再放入鍋中加熱。 4. 加入牛奶或高湯攪拌,煮至滾起,再加入淮山粒,鹽調味。 5. 在碗中放入預先烚好的粉麵,加入紫薯湯即成。 小貼士: 1. 牛奶及高湯份量可接按個人濃稀度喜好加減。 2. 也可把淮山一齊blend成蓉。 3. 喜歡可隨意加入肉碎、雞絲同吃。 4. 紫薯湯香甜,夾上陣陣洋蔥香味,我喜歡當西餐湯飲,小朋友則加入公仔意粉也適合。 ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss