副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

零失敗一起來做個焦了的蛋糕 紐約時報2019年度甜品! 源自

當大家都係停課不停學嘅時候,我們這一家就反而係停課不停肥,每烘焙完一款甜品我都會深深底下頭....

當大家都係停課不停學嘅時候,我們這一家就反而係停課不停肥,每烘焙完一款甜品我都會深深底下頭.... 陷入一陣沉思,底頭看著自己日益壯大嘅肚腩,每次烘焙後都深感悔疚,覺得對唔住我呢個出生入死嘅好兄弟....哈哈,要佢咁日日壯大下去,但最後都係決定唔理咁多住先,難得停課有心神可以同小朋友一齊玩下,學d平時比較小機會學到嘅生活體驗,對唔住肚腩兄弟都要食咗先算啦...lol 唔知到停完課可以同佢地一齊烘焙,完成到幾多款不同嘅美食呢。且行且珍惜;我亦相信這會係我地之間好珍貴的回憶。 講返去美食啦,Basque Cheese Cake巴斯克司蛋糕;最早起源於西班牙的巴斯克地區,後來唔單上係日本大紅,幾年前在東京掀起排隊潮,後來台灣亦有引入,上年仲被New York Times 紐約時報評為 2019 年度甜品。     呢款近期大熱門嘅手作甜點品,真心唔單止食材好簡單,好易就可以買到,而且重點係製作步驟真係超級簡單,零失敗甜品相信大概非Basque Cheese Cake莫屬吧? 不過提提大家烤好之後呢,就未可以食得住架,要冷藏8小時先可以開動呀,所以一般我都係深宵烘焙,孖寶第2天起來就可以品嚐啦!   我很醜但我很好吃!     不如一齊睇下有幾簡單啦; Basque Cheese Cake巴斯克司蛋糕 材料:  6吋 蛋糕模  1個 忌廉芝士 Cream Cheese  250g 淡忌廉 Whipping Cream  120g (我其中一次試了用Greek yogurt) 室溫雞蛋 Egg    2隻 白糖 Sugar 60g 低筋麵粉 Cake Flour   8g 做法: 1. 220度預熱焗爐 2. 預先將牛油紙裁剪好,放入6吋蛋糕模內 (圓形圍邊最好比蛋糕模高出1 吋)   3. 忌廉芝士 Cream Cheese放在室溫軟化,再加入白糖Sugar攪勻   打到滑順 4. 之後分2次加入雞蛋,每次都讓雞蛋與芝士糊充份混合     5. 分2-3次加入淡忌廉Whipping Cream打至均勻,攪勻後最後加入已過篩嘅麵份輕手拌勻     6. 把麵糊倒入蛋糕模內 ,輕輕震幾下將小氣泡都排出來   7. 放入焗爐底層,以220度30-35mins,20分鐘去焗,看上色程度決定時間。(實際需要視乎每台焗爐,不同的實際溫度同特性來增減時間,不時自行目測再調節)   8. 出爐之後可以先不用脫模,取出放涼後,就可以放入雪櫃8小時左右食用,口感更佳 孖媽溫馨小提示:  P.S.  *烘焗過程中,若發現面層上色太快或太燶,可視乎每台焗爐個別情況而考慮蓋上錫紙* *可以竹簽插入麵糊中測試是否熟透*   Basque Cheese Cake帶著焦香的cheese cake 味,口感鬆軟,而且有濃郁奶香,濕潤得來又唔算好甜!     單係呢款Basque Cheese Cake,so far 我們做了4-5次左右,每次為咗討小朋友歡心,偶爾亦有時會配搭唔同造型。     呢款開心快樂藍莓版,相信係孖寶最鍾意的一個,佢地見到都有問: 點解個蛋糕咁開心,我問佢地;因為蛋糕媽咪做咗唔同食物比同蛋糕仔分享囉...哈哈     我想此時此刻香港亦好需要跟這開心快樂藍莓版蛋糕一樣,誠心希望香港,以致世界各地受疫情影響嘅每一個地方,可以同呢個一樣出現的笑臉,快快見到一點點嘅光明、陰霾撥開,好快大家每人頭上都見到一片青天,重現歡笑!   講返呢款零失敗又超簡單的蛋糕真的太厲害了吧,只要用簡單嘅材料,簡單嘅做法,就可以烤出人氣又美味微焦糖年度甜品,大家一齊來試下啦。   我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫:駐站部落客 Sunday Kiss: Featured Bloggers SuperMami HK:Featured Bloggers Beauty Exchange:Certified Blogger WeShare HK 親子: 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家 台灣親子集合Tagmum : 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com