副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

2歲都整得!氣炸鍋「巴斯克焦香芝士蛋糕」

其實網上成日見到人地整呢個黑媽媽嘅芝士蛋糕,睇見都唔開胃,個面燶到咁樣衰,食落應該會好苦囉?但網上食評係講到呢個蛋糕好味到驚為天人,我見佢嘅材料都好簡單,全部都係一般超市可以買到,仲要講到零失敗喎,搞

家居抗疫親子活動:零失敗,2歲都整得! 氣炸鍋「巴斯克焦香芝士蛋糕Basque Burnt Cheesecake」 其實網上成日見到人地整呢個黑媽媽嘅芝士蛋糕,睇見都唔開胃,個面燶到咁樣衰,食落應該會好苦囉?但網上食評係講到呢個蛋糕好味到驚為天人,我見佢嘅材料都好簡單,全部都係一般超市可以買到,仲要講到零失敗喎,搞到我都即管試吓有幾咁巴閉! 呢個超級適合各位媽媽用黎做家居抗疫親子活動,因為做法真係極級簡單,只需用手打打蛋器或刮刀,順序將材料放入同攪勻就搞掂今次連2歲嘅貝貝都有幫手,我平時唔會俾佢同我一齊整蛋糕,一黎驚佢控制唔到電動打蛋器,又驚佢搞到亂晒,但今次我勁放心俾佢攪,佢整得勁開心,我地仲唱住pat a cake一齊整,你諗下個畫面幾咁溫馨!喺屋企消磨下時間,又可以睇少陣youtube嗱!  ▲必備材料 ▲通常我都用呢款Cream cheese,無論味道或質感都係信心保證 ▲如果加雲尼拿油,味道就會更香,但唔加都可以 ▲整個過程只需順序把材料攪勻 ▲2歲的小朋友都可以參與當中 ▲麵粉過篩,蛋糕就會更加順滑 ▲我用的是大P,但每部空氣炸鍋的火力都不一樣,要靠自己判斷 講咗咁耐,我都分享下我食後感先: 喂呀!原來係真係好!好!好!好!好!味!質感係日式輕芝士蛋糕同雪糕或mousse 嘅中間,食落係滿滿濃厚嘅芝士味,好香同埋超creamy!同平時食開嘅硬身new york cheese cake係唔同!而大家最擔心黑媽媽嘅部分會係咩味?呢個部分果然係成個蛋糕嘅精髓,食落有啲焦香嘅味道,但一!啲!都!唔!怪!有咗呢片焦香味嘅加持,成個蛋糕即時無咁膩!我食完一件已經忍唔住再切!貝貝仲不斷讚very good添! 我第二日仲偷偷地入廚房自私食我直頭覺得我實在學得太遲!我應該要早啲學整呢個蛋糕因為真係好好味!依家日日喺屋企咁悶,唔煮野食都唔知點消磨時間!呢個蛋糕真係超級適合整餅新手,做完一定超有成功感!  ▲這款蛋糕的外貌,真是一點都不吸引! ▲不過切咗之後,即刻又好見得人!味道仲非常好味添! *如果鐘意呢個食譜就多多share呢篇blog啦,反應好嘅話,我就會繼續分享多啲超級易成功嘅甜品食譜! ——————————————  欣賞我呢個食譜的話,就follow 埋我地啦! MeWe: https://mewe.com/p/bowl_lam FB: https://facebook.com/profile.php?id=155831361844211 IG: https://www.instagram.com/bowl_lam/