懷孕前，我係一個熱愛跑步、行山同重訓既女孩 懷孕後，除左因爲孕吐而令我體力下降之外，更多係身邊既人都會叫你多啲休息、訓床等等⋯⋯ 相信唔少媽媽有同感～但我唔係一個傳統既女人，中國既傳統思想係唔啱我用，但當然啦應該要注意既事項⚠️還是會注意，畢竟有一個小生命係我肚裡。 今日想分享下自己做過既資料搜集，到底幾時先可以做運動呢？做又有咩要注意呢？ 上網見到一句野 「要問孕婦做唔做得運動之前，先問一問，到底點解唔可以？」 頭三個月，一般人認為容易流產所以唔應該做粗重野，但其實同運動，重訓係無直接關係！ 流產8成係未成形之前就會流走左，胚胎唔好既話點樣都會流走～胚胎本身唔健康就同你點樣作息無關係～ 但當然，當你有頭暈，嘔吐同出血既時候，就係一個信號話俾你知唔可以做運動，要去睇醫生！ 我自己頭3個月係一啲運動都無做過，原因就係我啱啱提到既，我一共出血過兩次，訓床訓左唔少，再加上我既孕吐都好勁，仲有胃酸倒流同胃灼熱等等既情況，因為咁所以我覺得自己真係好似一個廢人，令人擔心之餘仲令自己心情非常唔好！ 宜家踏入第四個月啦，自己既癥狀都開始減少，有番少少動力 根據美國婦產科醫學會建議，懷孕前有做開運動既媽媽其實懷孕中係應該要去持續番運動，懷孕中期係可以做番你本身做開既，但斬係提醒大家，量力而為！！！！而無做開運動既媽媽，可以由快步/散步開始～ 1~3個月 1.注意飲食 2.是否有嘔吐 3.避免空腹運動 4.有出血一定要停止運動 3~6個月 穩定期 1. 重心改變，改變訓練既內容 2.避免平躺姿勢既運動 3.坐、站姿都要有所改變～ 6~9個月 懷孕中後期 1.重訓既量要下調 2.膝蓋，腳容易因爲體重上升而感動唔舒服！ 總括而言，有做運動既孕婦同無做既相比，佢地既核心強，無咁容易跌倒 子宮血流量高，胎盤會生長得更好！而且生BB既時候你會更容易出力！！(因為你有一個強核心) 希望呢篇文章可以令各位消除懷孕期做運動既迷思！！ 最後！我地唔係病人～ 我地係好強既生物，因為我地裡面有一個生命喺裡面！！！！   以上資訊由網路做資料搜集番黎～再加入自己意見～