其實香港有好多幸存嘅歷史文化遺產,只不過因為科技發展太迅速已慢慢被淘汰了,就正如大澳的一個個並排而立的棚屋一樣。我爸爸係棚屋長大,長大後搬離大澳往市區居住。閒時爸爸會帶我返棚屋玩,當時棚屋其實已經很殘舊。而隨住社會變遷、風霜洗禮及閑雜人破壞後,再加上老一代慢慢去世,新一代又唔願意去承擔棚屋嘅維修,以致棚屋越來越危險,木地板已爛溶溶,好易受傷。 最黎多左人關注香港嘅本土文化,覺得棚屋依個文化遺產要一直承傳落去,所以之後政府都有資助棚屋嘅維修項目。後來決定翻新棚屋後,雖然翻新後仍然都是舊舊的,但係都保留左棚屋嘅味道,小朋友們都好鐘意入去玩添~ 今次就帶左孖吉返去我爸爸(即佢公公)嘅故鄉-大澳棚屋 獨有嘅咸魚香味~ 沙翁,$13一個好貴呀,但又真係幾好味嘅~ 隱姑茶果 記得我太嫲係我細個時係入面幫手整茶果,我記得佢整嘅茶果真係超好食,可惜佢已離開左廿十幾年啦。 小時間係橫水渡過河,每程$0.2,由人手拉動纜索,依家起左條橋又真係方便好多。 依幅圖真係表現到舊大澳嘅特色 新基橋係通過我地棚屋必經之路 到達我家棚屋了,係棚屋影出去嘅景色 每一間棚屋必有嘅木梯(通往二樓) 睇孖吉幾開心手舞足蹈咁 小朋友唔需要手機玩,淨係玩對門都有排玩。 我堂弟係棚頭釣嘅魚(好自給自足) 釣到細魚仔,孖吉非常好奇 我上左去棚屋2樓影下相先~ 人越大越珍惜每樣事物,所以其實作為棚屋後人,好希望依個文化遺產能夠承傳落去,亦都希望每個人都能夠珍惜同愛護依個地方,因為有d事物係唔可以完全修復成功的,遊客們要徵詢屋主嘅同意先好入內拍照,就算入到去都要愛護環境,唔好破壞美好嘅棚屋呀~咁我地嘅下一代先可以繼續見到依個簡樸又美麗嘅大澳漁村呀~ 合作可聯絡: qqyanyan@gmail.com IG Follow: https://www.instagram.com/qq_chinchilla 我的專頁:孖吉的成長日誌 (歡迎各位Like &追蹤以及互相交流育兒心得~) 腳印: 香港媽咪幫 / Oh!爸媽 / 靚太Club Wow / Presslogic 媽咪日常 / Openrice