懷有二寶嘅媽媽一般都好擔心，怕大寶唔喜歡二寶嘅到來。講真有啲狗咬狗骨嘅case都聽唔少 我好感恩揚家姐和揚細佬真係感情好好有時我哋鬧細佬（男仔係比較百厭），揚家姐好多時都出嚟護駕，真係好攪笑同窩心 揚揚媽媽都有少少心得，分享俾家中快有二寶嘅媽媽聽 係二寶未出世前，多啲同佢講做家姐/ 哥哥嘅優點，例如：多個人陪佢玩、可以教弟弟/妹妹、幫手照顧bb(小朋友好鐘意扮大人） 二寶出世前，多同大寶睇啲關於屋企有bb出世、教導如何做哥哥/姐姐嘅繪本，小朋友真係會好入腦???? 當二寶出世回家果日送一份禮物比大寶，話係小bb送比佢 讓大寶多參與照顧bb，雖然未必幫上忙，甚至乎係幫倒忙，但可培養大寶對bb嘅感情 有一點切記，不要比較。每個人嘅優點能力唔同，在兄弟姊妹中比較，只會建立佢哋嘅競爭關係，造成彼此有介心 仲有，家長要緊記：做家姐/哥哥唔一定要讓弟弟/妹妹????，做人嘅嘢都係有時你讓我、下次我讓你，咁先合理   想知更多親子去玩去食/ 有關入學虎爸虎媽資訊，請讚好我嘅 Facebook 專頁: https://www.facebook.com/yeungyeungmama/ IG: http://instagram.com/yeung.mama