#萬眾期待迪士尼樂園 #公主城堡實在太靚喇 等到頸都長，終於可以再去迪士尼玩喇！ 隔左半年時間，我哋多左弟弟一齊去玩，今日真係玩得好盡興，大人小朋友都好開心！不過真係熱到溶，要不停飲水降溫。 安妮媽媽每次同Aidan玩完機動遊戲後都會幫佢用搓手液捽手，我地仲見到樂園周圍都有搓手液，好方便！ 雖然無得同卡通人物影相，但佢地都會出嚟同大家表演，我地今日見到高飛和布魯托同大家一齊玩小飛象，又見到灰姑娘坐旋轉木馬，愛麗絲玩咖啡杯，好開心呀！ 飛天巡遊轉左簡單的花車巡遊，迪士尼人物會係花車上同大家say hi，好熱鬧。 而家去迪士尼排隊玩要跟住地下的白色線和標誌排隊，就可以保持到社交距離啦！ 會員係指定餐廳食套餐可以有買一送一優惠，好抵！但因為餐廳係隔枱坐，小左好多座位，所以到食飯時間都幾多人等位。 由於有人數限制，魔法書房和獅子王慶典我哋有預早去排隊，場內的座位都分左3個3個咁坐，魔法書房最後噴彩帶的環節取消左，Aidan有d失望。 而家樂園真係好小人，唔使點排隊就玩到，好期待下次再去玩呀！ ————————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記