赤柱唔止係拍拖勝地，原來仲好啱親子玩樂㗎！呀仔玩到唔捨得走，今次行程超開心呢～ 我哋喺中環交易廣場搭6號新巴/260特快係赤柱村落車，行去沙灘大約3分鐘左右就到！ *銅鑼灣都有40號綠色小巴可以到達   我哋一早先去沙灘玩沙玩水，水都幾清！不過沙就有啲粗，岸邊仲有好多魚仔～人流唔多～ 跟住行返去赤柱廣場大約5至8分鐘就行到～仲見到至愛嘅雪糕車！正呀！ 未肚餓所以先去咗slime it玩 diy鬼口水/史萊姆！我叫呢舊嘢叫核突膠，哈哈！ 平時睇電視睇得多，仔仔期待咗好耐終於有得玩～街買個啲怕有硼砂毒嘛！呢間嘅材料安全無毒所以唔怕俾小朋友玩，可以自己揀鬼口水顏色同材料～ 好似夾糖咁好開心！會提供一個小杯仔，每人可以夾滿一次～ 仔仔最鍾意係綠色，自己自製一個綠色金粉嘅鬼口水～ 玩法百變！佢話砌咗個恐龍出嚟，仲整咗個蛋糕！ 需要運用小手仔肌肉，同埋要用D力～減吓壓唔錯！ 一玩就玩左個幾鐘！超hea時間～其實可以繼續玩㗎～不過我要食午餐了！完成品可以帶返屋企慢慢玩，抵玩呀！ 可以買材料返屋企慢慢DIY～仲有得儲印花換禮物～ 我哋join嘅係Slime Fun 1/hk$150~簡單啲適合小朋友玩～而且唔限時間，抵玩啦！ Slime It 地址：港島南赤柱廣場1樓117號鋪 https://www.facebook.com/slimeithongkong/ 之後落樓下食午餐，食飽就走出去玩帆船遊樂場，繼續放電！ 去咗呢間Classified Stanley食西餐～ 有兒童餐$60起，餐廳有提供蠟筆俾小朋友消磨時間～ 肉醬意粉同雞翼薯條係兒童餐，跟一杯果汁或牛奶！   小朋友急不及待衝去遊樂場玩啊！帆船造型好得意～困左屋企咁耐，有得玩遊樂場勁興奮！ 咁岩仲有Hello Kitty打卡位～ 唔經唔覺就玩咗一日！赤柱親子休閒一日遊，一家人玩得好開心～你地都帶小朋友去玩啦～^^ ———————————— Follow 埋 IG:https://www.instagram.com/chochomamami/ 快啲入群啦！更多親子好去處～ 親子放電去邊好群組： https://www.facebook.com/groups/623614398242858/?ref=share 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #親子放電去邊好 #parentalblogger #hkblogger #好去處 #放電 #室內遊樂場 #親子好去處 #親子遊 #赤柱親子一日遊 #沙灘 #鬼口水 #DIY工作坊 #帆船遊樂場 #親子好去處