今次同大家介紹一個集藝術 影相打咭 放空既【$0 暑假玩樂好去處】 香港藝術館自2015年起進行大型翻新及擴展工程 於2019年終於重新對外開放 館內設施同展覽空間大大提升 而且外型上更加modern 香港藝術館嘅收藏品大有來頭 當中一個[從零到四千+]既展館中 有歷年來眾多無私嘅捐贈者 專家顧問同埋館長們悉心耕耘 收藏超過四千件跨世代歷代文物 沿途行過嚟 色彩繽紛既壁畫已經非常吸睛   館內實施人潮管制 以保持防疫社區距離 - 每位入內人仕需量體溫及進行安檢 - 進入博物館人士須使用酒精搓手液 - 進場前建議佩戴自備口罩 - 十二歲以下之小童須由成人陪同入場 - 館方將加強設施清潔，並為洗手間、升降機、扶手電梯、樓梯扶手、按鍵及公用區域作定時消毒，提供消毒地氈、酒精搓手液 館內貼心地有免費locker 可以俾大家放低隨身物品 輕輕鬆鬆行展館 香港藝術館非常Kids friendly 星級育嬰室設備齊全 清潔乾淨 仲散發著陣陣嘅Design味 放下行裝 我哋就由地下嗰層出發  展開一場親子藝術之旅  嚟到一個洋溢日光嘅透光展館 抬頭一望仲以為自己置身於異地 唯美角度 場內有多個靚靚打卡位 打卡熱點Point 1:日系日光純白樓梯 *記得同小朋友打扮成文青Look黎影靚相 場內大玩多媒體創作意念 有多個數碼藝術展品 吸引小朋友大玩特玩 呢個幾何城市仲可以俾小朋友透過三角體及剪影自行創作 發揮創意 建設出自己的一片小天地 大家入場前記住同電話叉足電 因為除左要狂影靚相 呢度仲有一個叫Stamp by me嘅互動數碼小遊戲 透過手機download 哩個應用程式 只要回答簡單問題 就可以於各層展館儲電子蓋印 換取禮物   上到一樓 會有一個好大嘅空間俾大家安靜而坐 欣賞藝術館嘅改裝記錄過程 另一邊就有一個[小題大作] 展出香港藝術館嘅故事 請注意:入口就有一個小小禮物區 哩本免費繪本 (在香港藝術館的一天) 係由年輕插畫師Joanne 爲2至6歲嘅幼童創作 引導大小朋友以藝術視覺體現生活 感受日常生活中藝術嘅無處不在 十分適合親子共讀 展館大玩文字藝術 而且大部分展品以開放形式展出 家長們敬請陪同小朋友遊覽各展區 及提醒小朋友請勿觸摸 要愛惜展品 入口處仲有一份好適合家長嘅繪本補充資料 用上簡單手法去引導家長爲小朋友介紹各款極具特色嘅展品 透過問題藉以增強小朋友的聯想力 從而啟發佢地的創意思維   再上一層就有一個 [小畫家 大頭想] 展覽   小小藝文青育成中…… 平時多逛藝術館有助小朋友從小培養藝術氣息 佢哋未必明白每幅作品嘅背後創作理念 但係學習用眼球欣賞配色構圖都已經能夠有所得著 透過各種大大小小 形形式式既藝術品 可以爲小朋友帶來視覺震撼 從而更加了解自己嘅出生之地 有如照片的旺角街頭畫作 打咭熱點: Point 2 最鍾意嘅一個展廳[新空間] 坐擁270度落地大玻璃 每件藝術品都同光融為一體 作品會隨著日光同燈光嘅變化 變得立體有層次又充滿玩味 電子化留言版成為小朋友大愛 當到訪完各展區 儲齊六個電子印 就可以到一樓電子扭蛋機 透過二維碼俾小朋友一個嶄新數碼體驗 獲得扭蛋一個 扭蛋禮物非常有心思 原來係將一啲代表作展品 印製成眼鏡布及磁石貼   如果大家行到攰 場內仲有多個放空區 多款特色椅子 俾大家緩緩坐低  細味一下我哋最鍾意嘅香港 題目: 包包陪細佬b看世界 打咭熱點: Point 3 位於一樓有一個戶外位置 啱曬攝影發燒友影靚靚維港景色 難得在石屎森林享受著一大片藍天白雲 小朋友假日有得出街放電已經好開心 睇下藝術品 影下相 放下空 不知不覺就過左兩個幾鐘 簡簡單單就過左一個高質既親子好時光 行完各個藝術展區 最底層仲有一間禮品店 大家可以去刺激消費 支持一下藝術創作 由2020年6月22日（星期一）起，香港藝術館已恢復正常開放時間： - 星期一至三、五：上午10時至下午6時 - 星期六、日及公眾假期：上午10時至下午7時 - 聖誕前夕及農曆新年除夕：上午10時至下午5時 - 星期四（公眾假期除外）、農曆年初一及二休館 展館將限制入場人數，參觀人士會以先到先得方式入場。 香港藝術館及茶具文物館會檢視情況，有需要時將調整有關預防措施。 Like & Follow 包包陪細佬b看世界 facebook專頁 更多育兒資訊及親子活動為大家分享