副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

♥︎ 當哥了如何給他心理準備 ♥︎

 

  有人問我點樣可以教到哥哥咁錫細佬 其實我無特別教架!不過我自己係大肚時比左好多心理準備Noah。我懷孕時候為左Noah係細佬出世後唔好唔開心,唔想佢突然有失落感,所以我不時會同佢傾下,同得閒又講2句話佢聽日後會有咩變化。 首先,我話比Noah將會有一位細佬,但佢因為剛出世會好需要媽咪,佢住左係媽媽太耐所以會好驚對其他事物好陌生,可能會少左時間陪你。重點我覺得係要話佢知少左時間陪佢,然後再話佢知媽咪同樣咁愛你,唔會因為細佬嘅出世而對你嘅愛減少,等於你愛媽媽同時愛爸B一樣。小朋友思想簡單,所以比D例子會易明。順便呢個時候話比佢知你都要愛細佬,細佬出世第一個朋友仔就係佢啦! 話完比佢知媽咪爸B一樣咁愛佢後,因為我諗到小朋友會發覺自己比起以前好似少左存在感,人人都focus係BB,所以我都同Noah講細佬出世後要幫我地手照顧呀。咁細佬出世後Noah 4歲可以做咩呢?我就話佢聽可以當媽媽幫細佬換片時幫媽媽拎尿片、水、毛巾等等⋯⋯仲有細佬喊時幫忙哄下細佬,其實簡單嘅動作已經令小朋友有存在感,覺得自己好似幫到手喎。(話比大家知,Noah睇過我換片2個月後已經自己幫我去換片,呢個哥哥真係) Noah雖然錫細佬錫到爆,但都總會有不滿細佬時候,我知道會有呢D事情發生,所以我生先前都有話定佢知到細佬識爬識走時就會有攪攪震,記住佢唔係曳係唔識,所以哥哥你要幫手教佢同時自己唔想比細佬拎左去或者驚佢整爛就要好好擺放啦唔係爛左唔見左就唔好瀨人。其實如果有小朋友以前細個嘅曳曳video都可以比佢睇下,等佢知道自己都經歷過。 以上係我嘅小分享,可能有D我都醒唔起無打出黎   ===================== 購物狂媽媽與Noah·Deron Facebook: http://www.facebook.com/A.ShopaholicMama/ Instagram: http://www.instagram.com/kayibobo Blog: http://ashopaholicmama.blogspot.com/ MamiBuy: https://mamibuy.com.hk/home/18396/ Girlssss: https://girlssss.com/author/kayibobo/