#親身經驗 #嚇死媽媽 #新型冠狀病毒 #中招冇中招 ? #唔係靠估估下嘅 #深喉測試   早前我因為「作感冒」，成個人淆哂底，其病徵包括: ????鼻塞有鼻水 ????喉乾小小痛 ????疲倦 雖然冇發燒，但體溫一直偏高達37度，再加上經歷過 #中流感 都深知自己身體差，見休息左一晚身體都冇好轉就立即求醫，聽專業意見！   上網爬文整合資料後，覺得情況未算好差(但都驚自己係所謂嘅隱形病人！），就選擇左去家庭醫生作初步診斷，醫生話初步病徵吻合，再加上去到診所測體溫有成37.5度！所以都建議我做測試，買個安心❤   衛生署已經向全港所有私家診所提供病毒檢測服務，而且係免費嘅????我今次嘅收費就係診金加藥費＄350！   之後就會得到一個樣本瓶番屋企自行取樣，網上有詳細影片講解程序（文末有link），仲有幾點可以特別留意番 ✅最佳取樣時間為朝早起床後、刷牙漱口及飲食前，唾液濃度為最高 ✅收集4毫升（裝滿樣本瓶底平面）唾液就足夠 ✅取樣前後請用皂液清潔雙手 ✅完成後以兩個樣本袋密封好並於4小時內送到衞生署轄下13間胸肺科、社會衞生科和皮膚科診所内深喉唾液樣本收集箱   收集箱就設置係門外，過程唔駛開門關門接觸門柄（等我仲準備左開門神器????），感覺安心好多，不過都記得帶酒精搓下手，同埋番到屋企立即沖涼喇   一般touchwood中招嘅話3日左右會有通知，正常為7日或上，好好彩我睇完醫生食左2日藥就病好啦！????????????   當然以上經驗只係提供俾 #病徵輕微 嘅朋友去做，另外仲有三個方法可以做測試 1️⃣醫院急症室，持香港身份證$50/次，但等候時間超級長 2️⃣星期一至五早上七點半至八點半到22間普通科門診免費取樣本瓶，並需要係三個工作天內，早上10時至11時將樣本交回指定地點 3️⃣私營機構檢測，一般價錢為$1000-2000，但檢測較快，最快約4-6小時有結果   採集深喉唾液樣本病人需知???? http://videocwp.ha.org.hk/wmv/deep throat saliva v2.mp4)   指定送交樣本作收集點???? https://www.google.com/url?sa=t&source=web&rct=j&url=https://www.chp.gov.hk/files/pdf/list_of_collection_points_tc.pdf&ved=2ahUKEwiO9uP8yIDrAhUKBZQKHVgMB6QQFjAFegQICBAB&usg=AOvVaw3XlafWc1S9KAYSqUdQKBL6