副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【媽媽的情緒來源】媽媽的10個不能 (不能食飯,不能瞓覺…)

我哋成日都會聽到老公問:你做咩唔食飯呀?你做咩唔瞓覺?我哋唔喺特登虐待自己,而喺因為湊住BB,我哋好多基本需要都做唔到。下面呢10個 "媽媽不能"就可以解釋到:

我哋成日都會聽到老公問:你做咩唔食飯呀?你做咩唔瞓覺?我哋唔喺特登虐待自己,而喺因為湊住BB,我哋好多基本需要都做唔到。下面呢10個 "媽媽不能"就可以解釋到:   1. 食飯·不能 當照顧好BB飲奶瞓咗,終於到自己食飯,呢個時候,BB會無啦啦喊醒,於是要抱咗佢先,個麵擺咗半個鐘至一個鐘,浸淋晒攤凍晒先有得食,不過都餓到咩唔理,5分鐘倒晒落口算。   2. 瞓覺·不能 無論BB喺瞓晏覺抑或半夜,隨時都會扎醒大喊,媽媽幾眼瞓都要即刻起身抱佢氹佢,完全冇覺好瞓。   3. 去廁所·不能 好急嗰時都要忍住抱到BB瞓著,但喺一放低佢就喊,實在唔知點行開去廁所。到佢1歲幾識行識走,一入廁所佢就喺門口狂喊,大小二便都去得唔安樂。   4. 沖涼·不能 如果要等到夜晚BB瞓咗先沖涼,好多時攰到自己都瞓著咗沖唔到,趁佢瞓晏覺嗰時偷偷地去沖,有好幾次沖到一半,啱啱先洗濕個頭,突然聽到佢淒慘嘅喊聲,要即刻嗱嗱聲包毛巾衝出去。   5. 休息·不能 想靜靜地坐喺到睇電視喺冇乜可能,佢會拎咗個玩具過嚟叫我同佢玩。仲有其他搞破壞、爬高,要不停看實佢同執手尾。仲要湊住兩個,就算細佬瞓咗,哥哥都好想我陪佢玩,依家仲要同佢做埋功課,一啲空間都冇。   6. 生病·不能 病咗發燒到40度都仲要餵奶、湊小朋友,因為冇人可以代替我個位,唯有頂硬上。不過病咗咁辛苦都冇得休息,脾氣就會差啲。   7. 放假·不能 湊咗5日已經攰,好想有得攰下,星期六、日想放假喺冇咩可能嘅事,除非有屋企人幫手湊住先。   8. 興趣·不能 媽媽自己都有想做嘅野,但係時間完全俾晒小朋友同屋企,冇自己嘅私人時間,所以有咩興趣想做想玩都要放埋一邊。   9. 打扮·不能 有時間都瞓下覺,仲邊得閒化妝打扮。   10. 辭職·不能 最慘喺媽媽呢份工作喺一世,就算幾忙幾辛苦幾攰,老細幾難服侍,都冇得話遞封辭職信就走咗去。   因為媽媽連基本需要都滿足唔到,會比較容易心情唔好或者面色差啲,老公都要多啲留意,照顧下媽媽嘅需要,如果壓抑得太多爆發起上嚟嘅時候老公都會受罪。   未有小朋友嘅未必會明白,做咗媽媽之後先感受到呢種生活嘅辛酸。