淘寶呢個購物平台喺香港已經越嚟越普及，當中嘅產品種類繁多，應有盡有，幾乎想搵啲乜都有。當然當中嘅產品有好有唔好，有抵買有唔抵買，有可以用同唔可以用啦。 話咁快就開學啦﹗雖然因為疫情大家仍未能復課，但相信各位媽媽已經為自己嘅小朋友買晒書本。康妮媽亦都一樣，我已經為兩位小朋友買晒書，包好晒書寫好晒名同貼好晒貼紙，為復課作好準備。今日康妮媽同大家分享我喺淘寶購買嘅學生姓名貼紙。 我一向都有為兩位小朋友訂購姓名貼紙，因為方便使用，同埋望上去靚啲，又有小朋友喜歡嘅卡通，令佢哋對書本同埋物品更有歸屬感，最重要係減低唔見野嘅風險。因為姓名貼紙通常用一年下年就唔會再用返，而且唔涉及安全性問題，加上重量同體積都好細好輕，又唔容易損毁，所以我覺得不妨可以試吓喺淘寶訂購。我喺淘寶訂嘅姓名貼紙，價錢係人民幣6.8元 (即大約港幣7.7元) ，一共有3種size。今年係第二年訂啦，上年買既用左一年都完好無缺。   圖片來源: 淘寶商店上下載 圖片來源: 淘寶商店上下載 圖片來源: 淘寶商店上下載 康妮媽購買既姓名貼紙實物照 (中號) (大號) 防水效果都唔錯，簡單清洗沒有問題。 清洗後 我通常用順豐集運，運費最低收費人民幣23元 (即大約港幣26元)送到上屋企，就算只買一版貼紙一共都只係大約港幣34元。如果加埋其他嘢一齊買share返個運費，就更化算啦。希望以上鈕分享對各位媽媽有用啦!   以上內容絕非廣告，純屬個人分享。 Follow Me IG : @conniemamaaa FB : @conniemamaaa