同囡囡出去灣仔利東街做野,到左醫肚時間, 就係左近睇下有咩好食。係利東街隔離既廈門街俾我地發現在有個東洋女仔既公仔招牌,囡囡覺得好得意就諗住行過去睇下係咩舖黎。原來係一間日本小食店，真係岩晒我個囡口味，就決定買呢間野食返去食。    舖頭招牌同Logo 就係果個好得意既東洋娃娃，個名叫做 CHOTTO MAKI， 入邊餐牌主要係食卷物既，種類配搭都幾多，仲可以自己選擇卷物，望到既材料都好新鮮好好味。    有選擇困難既我，樣樣都好想食，最尾都係問店員哥哥邊款卷物最受歡迎就要果隻，佢地有2種SIZE 一款係一份4件既大SIZE  ，另外一款就係一份8件既細SIZE 。大件既我地叫左3號 Spice Me Up  因為我地鐘意食鰻魚，佢仲話有扇貝配埋青瓜等其他配料，夠晒大大份，勁足料，最吸引既一定係最尾放上面既蘋果啫喱喇，點會估到食卷物可以加埋啫喱碎呢? 唔好以為係啫喱就好甜，我有專登試下，佢都唔算太甜夾埋個卷物一食個口感仲好得意架!    另外細份我就叫左 8號既Mango Dynamite，聽個名就知佢係一個芒果卷物喇，芒果香甜好味道，加埋入邊既天婦羅炸蝦，完全岩晒囡囡既口味，就咁睇個樣己經好吸引，芒果既果香加天婦羅蝦既香脆，唔駛一陣就俾我地2個掃晒入口。    飲品方面我就要左個水蜜桃梳打水，囡囡就要左支蘋果汁，另外仲 一人叫多一個布丁，係芝士味同埋焦糖味。呢個小朋友食到超開心話下次都要再黎食喎。 #blogger #推介 #parents #小店 #hklifeblogger #foodie #CoolHKG #穎霖周圍遊 #消閒 #遊覽 #遊玩  #delicious #foodstyle  #分享 #香港 #food  #foodshare #食評 #eat #相機先食  #吃貨人生 #食好西 #食後感 #灣仔美食