【 親子好去處 ｜高質室內叢林親子遊樂場 】  之前已經聽朋友推介過荃灣南豐紗廠內有間好高質素的室內親子遊樂場，就係 The Big Things ，今日帶咗兩兄弟去玩，果然無介紹錯呀！好鐘意遊樂場的設計係以大自然為主題，感覺好舒服。   ［The Big Things］門外有一大幅好可愛圖案的牆身，影相好靚！   疫情關係樂園都有做足防疫措施，每個時段結束後都會有半小時的清潔時間，入場玩的人都要填健康申報表，著襪，量體溫和消毒雙手。   芬蘭式室內遊樂場「The Big Things」有好靚的叢林大自然景色，各種稀有動物及昆蟲圖案的玩樂設施，仲有野生動物和昆蟲的叫聲，可以俾Aidan 有一個特別的視覺、觸覺和聽覺的玩樂體驗。 遊樂場的玩樂設施都係由芬蘭松木所製，場內的遊具仲係喺芬蘭本土製作再運送到香港呢。場內一共有18個遊戲區域，好多都需要小朋友運用全身去上上落落，放電一流！   遊樂場提供開放式鞋架和置物架   芬蘭獨有的動物，好可愛的水獺媽媽和BB。   「大樹大本營」 玩樂設施當中，「大樹大本營」最吸引到Aidan的興趣，佢係由一組好有挑戰性的攀爬架和滑梯組合而成，入面有模擬樹洞的關卡、繩索和獨木橋等，仲有超滑超快的長滑梯，真係好似行咗入叢林一樣。   「賽車競技場」 呢個賽車競技場都好受小朋友歡迎，佢地可以用木頭車和朋友在架空賽道上進行比賽，非常好玩！   「海狸建築學校」 積木區，可以俾小朋友發揮創意隨便拼砌   「螞蟻的家」 一組適合幼童玩的滑梯   「火山群島」「溶岩金字塔」 火山群島係可以俾小朋友用盡全身的力氣爬上火山口，再由火山中間滑番落嚟，好考體力呢！ 爬上金字塔頂應該幾有成功感 「海狸帳幕」 係一個小型繩網陣   「卵石陣」 卵石陣係模擬大自然的河流，可以訓練小朋友的平衡力。   「繪圖臺」 這區比較靜態，小朋友可以在這裡畫畫。   「劇場」 小朋友可以創作自己的故事，發揮想像力，仲可以為自己的故事劇場拍照和錄影呢。   「迷失叢林」 小朋友可以為各種動物昆蟲上色，再投影到大屏幕和自己創作的動物互動，十分有趣。 「The Big Things」真係好多野玩，一個鐘唔係好夠時間，我哋最後都加左時間俾哥哥繼續玩。   玩完我地就過對面「The Big Things Kitchen」食Lunch，我哋點了石燒牛扒便當，吉列豬扒便當，叫了一份雞扒南瓜湯烏冬兒童餐俾哥哥，兒童餐仲有飲品和雪糕，而家只要憑樂園票尾就可以享用20% off 的兒童餐。   ======================= 0-6個月大的BB免費入場 入場收費和開放時間請到 The Big Things官方網站 : https://www.thebigthings.com/en-us/playground ———————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com