副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

疫情下難得嘅幼稚園面試~啟思幼稚園

疫情下難得嘅面見interview,貝貝琴日面見咗啟思幼稚園,話說本來email寫只可以一位家長入,點知最後兩個都入得,所以我就可以一齊參與嗱,不過其實我一心諗住交晒畀爸爸interview,我係完全

疫情下難得嘅面見interview,貝貝琴日面見咗啟思幼稚園,話說本來email寫只可以一位家長入,點知最後兩個都入得,所以我就可以一齊參與嗱,不過其實我一心諗住交晒畀爸爸interview,我係完全無預備同埋我有interview恐懼症,好彩啲問題唔太難,而且佢地本身都係happy school,所以面試氣氛好好,無壓力。 老師畀咗幾份玩具貝貝玩+問問題: 1: 手抓版~只係對應返相對嘅動物擺位,有問貝貝啲動物叫咩名,不過一個都無答過 2: 疊杯~貝貝屋企無呢份玩具,我都唔知佢識唔識玩,我心諗都大獲,點知佢好專心咁砌咗一輪,不斷嘗試,最後畀佢完成到! 3: 問水果顏色~香蕉、蘋果,橙,用英文全部答啱晒!超lucky,無問佢最弱嘅藍色!   老師問家長: 1: 平時爸爸放工會同貝貝做啲咩? 2: 媽媽平日同小朋友玩咩玩具,喺屋企有咩活動? 3: 問小朋友自理能力如何?係咪自行食飯?   起身嘅時候,老師送張貼紙畀小朋友睇下會唔會講thank you,之後再叫小朋友拍櫈,貝貝今日都係做足100分!仲氹到老師好開心! 之後老師就帶我地去戶外參觀,畀小朋友探索下,有龜有魚,感覺幾好!成個interview都好輕鬆~ 不過大細b真係爭好遠,諗返起貝貝上年以細b in k嘅時候,同今年interview真係完全唔一樣,可惜疫情關係,好多間幼稚園都係以收video為主,所以機會真係50/50,雖然我覺得貝貝今年能力高咗好多,但我都無十足把握!交video果度我都畀自己好大壓力,因為變咗我幫佢考,條片點present,好唔好睇,考唔考到間幼稚園就係靠晒我,真希望今年拎到啲offer,畀我有得揀到間希望最適合貝貝嘅幼稚園。 —————————————— FB: 貝貝Alice-小寶貝夢遊日記 IG:bowl_lam