副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【視覺專注力同小手肌嘅連線遊戲】

【視覺專注力

【視覺專注力???? 同小手肌嘅連線遊戲】 而家疫情第四波,又要停課留喺屋企,懶媽最近就想幫哲哲訓練一下,視覺專注力同小手肌,原來連線遊戲係好有助小朋友嘅發展,首先係連點點,之後可以進階順序連數字,再進階可以利用唔同嘅點製作唔同嘅圖案。 哲哲而家兩歲,我買咗本啱佢年齡玩嘅Fun With Dots,呢本練習啲圖案好大個,色彩又繽紛,點與點之間嘅距離好近,啱晒哲哲,比較容易就可以連到。呢一本練習已經有兩個唔同嘅階段玩法,頭幾版會係色彩繽紛有埋圖案,後半部除咗連線之外,小朋友亦都可以發揮創意將圖案填色。 媽媽仲有另外一個玩法,因為練習上的點點比較大粒,可以喺點點上邊蓋上印章,訓練手眼協調,仲可以一路吸印,一路數數目字 。 1至2歲視覺專注力????遊戲推介: 可以嘗試畫一條線然後請小朋友喺單上面貼上圓形貼紙 懶媽之前介紹的貼紙遊戲: https://www.facebook.com/lazymablog/posts/645084656253117   連線遊戲其實亦都係,學習寫字之前嘅好好嘅訓練。懶媽仲專登買咗啲粗頭嘅顏色筆,等小朋友畫嘅時候容易上色,呢款筆仲有特別之處,就係喺筆頭上面,會有不同圖案嘅印章,除咗可以用來畫畫之外,仲可以用印章嚟製作唔同嘅圖案,一物二用,非常方便好玩。