經歷第一胎既抗爭，今胎既人奶路希望可以有一個好開始⠀ 一直竹媽都是窮媽媽，遇著塞奶發燒，跌奶量搞到岩岩好夠食變成得返一餐食，又開始loop追奶既生涯⠀ ⠀ 今胎去到開完刀第三日，先好似有上奶既感覺，用左3日由埋完身擠到1ml，3ml，20ml，50ml，100ml，唔求打爆雪櫃，只希望 #奶路亨通，妹妹夠食之餘，仲有少少儲到雪奶可以以備不時之需啦⠀   Day 3 Day 4 Day 6 ⠀ 以下分享一下竹媽既一啲追奶方法，比媽媽參考一下，其實有好多媽媽都有分享追奶心得，都係大同小異既，未必個個方法都適合你，但都不防試下work 唔 work⠀ ⠀ 1/ 攝取足夠水分⠀ 人奶最大成份就係水份，所以人奶媽每日至少要有3L水，包括炒米茶、湯水同清水⠀ 竹媽最鍾意飲既#上奶湯水有章魚、花生、魚湯、青木瓜⠀ 另外我都會飲黑麥汁、鮮奶、黑豆漿同珍珠鮮奶茶，呢啲都係坊間流傳會#爆奶既飲品⠀ ⠀ 2/ 進食有營養既食物⠀ 人奶既營養大部分都係#蛋白質，所以人奶媽要食好多蛋白質既食物（唔好諗減肥啦）⠀ 含豐富蛋白質既食物有豆類、魚、雞肉、蜆⠀ 其實最重要都係均衡飲食，咁先可以做到最有營養既奶⠀ ⠀ 3/ Supplement⠀ 無陪月整#炒米茶或者#代茶，好多媽媽就會飲媽媽奶、媽媽茶（#胡蘆巴茶）代替⠀ 仲有可以令到人奶唔好咁杰既卵磷脂、增加奶量既milk flow、曲奇⠀ ⠀ 4/ 增加擠奶/埋身次數⠀ 要增加奶量，離不開比大腦一個signal要造多啲奶，如果全泵媽就要利用奶泵去欺騙我地既大腦，所以一日最少都要泵6-8次，埋身親餵既就更加係抱緊bb無限放題啦⠀ ⠀ power pumping⠀ 話說餵人奶要講堅持真係好岩！好多人奶媽都聽過既#powerpump去追奶，原理就係欺騙大腦而家係bb猛長期不停索奶，要密密餵，一個cycle要60分鐘⠀ ⠀ 泵20mins->休10mins->泵10mins->休10mins->泵10mins ⠀ 堅持至少3日以上既power pumping，尤其係凌晨時候做就更加work！因為半夜時催乳素分泌係最多，而造奶係靠催乳素去控制⠀ ⠀ 泵奶/埋身前可以用熱毛巾敷胸，或者沖個熱水涼，再加適當既按摩，可以幫助乳腺既流通⠀ ⠀ ❌#退奶食物 人蔘、豆豉、乳鴿、韮菜、豬潤、麥芽⠀ ⠀ ❌#避免塞奶 泵完之後一定要比多少少耐性做手擠奶，因為電泵係唔可以泵得清底層既奶，要透過手擠奶去令到底層既奶都可以出清，咁就會減少塞奶既機會⠀ ⠀ 一個高效率既奶泵⠀ 市面上有好多唔同種類既#電奶泵，價錢都有好大既差距，竹媽第一胎時曾經擁有/試過5款以上奶泵，一個好用既奶泵可算是「功欲善其事，必先利其器」。一個高效率既奶泵應該係令你15-20分鐘就完成整個泵奶過程，再有10分鐘時間去做手擠奶。⠀ ⠀ 充足休息⠀ 成日都話bb訓得多先會長肉，媽媽訓得多都先會造奶，就算訓唔著都要攤係床度休息一下????⠀ ⠀ 以上都係竹媽試過既一啲#追奶方法，效果真係因人而異，純粹寫黎分享一下 ⠀ ⠀ #人奶路⠀ #半夜起身泵奶真係頂唔到幾多晚⠀ #共勉之⠀ ⠀⠀ ⠀⠀ ——————————————⠀⠀⠀ ❣️IG : www.instagram.com/tamsiumoon⠀⠀ ❣️Fb: www.facebook.com/tamsiumoon0521 ⠀⠀ ⠀⠀ ⠀⠀⠀ #山竹媽X竹竹日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀⠀ #加固心得 #母乳餵哺 ⠀ ⠀