副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

超夢幻屋仔上下格兒童床~設計與售後

落實咗設計公司之後,我地就開始諗個設計,當中仲要約度尺師傅上新屋初步度尺,有晒數據就可以開始設計。

落實咗設計公司之後,我地就開始諗個設計,當中仲要約度尺師傅上新屋初步度尺,有晒數據就可以開始設計。 其實心入面已經大概有晒個設計嘅構圖,但因為依家所有野都係訂造,所以所有櫃嘅size,我地都可以自己決定。除咗之前好概括咁講,希望擺到兩張床同大衣櫃外,我仲突然好大想頭咁希望可以收納埋bb車、麻雀枱、抽濕機、暖爐、風扇,同埋日常用品。於是,我地就同設計師講我地呢個想法,最後我地決定分開兩個櫃擺放。最後,仲可以加埋小朋友張書枱,方便大個嘅時候用。設計師仲幫我增加咗好多收納空間添呀!來來回回幾次改動之後,好快就落實最後呢個design,而最後我又真係可以擺晒啲野入去,仲多咗好多位擺野,好滿意好滿意!而且實物同設計圖同我想像中都係一模一樣,用料同顏色真係好靚,而且都無乜油漆嘅味道,絕對係一分錢一分貨! 不過我自己都有d小建議,要慎重考慮配色!因為我本身就好鐘意佢陳列室見到嘅配色,所以我係跟足返佢地100%嘅配色,無另外再考慮配其他自己鐘意嘅顏色。咁樣做係驚自己揀咗其他色嘅話,幻想同出到黎嘅效果會好唔一樣。始終現場見過實物,對實物嘅效果最有信心。 售後服務: 其實我地都發現有少少崩位嘅,但只要一個月內確保結構無問題之後,就可以約師傅上黎收口,佢地除咗會收口吱返啲膠邊之外,只要mark清楚邊度崩咗,佢地都會即刻填補再補色,執到靚一靚,完全睇唔出崩過…同埋如果因為當日送貨途中或安裝嘅時候,師傅唔覺意撞崩咗屋企牆身,只要到時自備油漆,佢地都會幫手修補埋,所以佢地嘅售後服務真係超級讚!   床仔:https://www.facebook.com/morefurniturestore 下集會講埋入住篇~ 希望大家都鐘意我呢幾篇分享,亦幫到準備裝修嘅家庭啦!,有咩問題可以去FB PAGE / instagram 直接PM 我丫! —————————————— MeWe: https://mewe.com/p/bowl_lam   FB: https://facebook.com/profile.php?id=155831361844211   IG: https://www.instagram.com/bowl_lam/