副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

30+女生 12件讓自己過得更好 要學會的事

很快就要到農曆新年了,到時我們大家都會齊齊長大一歲,很多人說年過30就會成為人生嘅轉捩點。無錯我很應同,的確人活到了一定年齡無論內在同外在都會變得很美,成就了自己嘅黃金時代,30+更可以善用自己嘅經歷

很快就要到農曆新年了,到時我們大家都會齊齊長大一歲,很多人說年過30就會成為人生嘅轉捩點。無錯我很應同,的確人活到了一定年齡無論內在同外在都會變得很美,成就了自己嘅黃金時代,30+更可以善用自己嘅經歷,發揮正向嘅力量,給予別人更多正面影響。 年過30開始女生可能都會開始有點感到焦慮不安,30老是給人感覺是一個關卡。無論工作,家庭,感情上的決擇都會開始感覺有點困難,除了一些際遇上的改變之外,常聽到廣告說膠原蛋白流失,皮膚開始老化,變得不好...... 其實年過三十,更令我學會更坦然地擁抱自己,變得更加喜歡自己,當中有12件事是年過30+ 學會了嘅事; 1. 用善意嘅心情去理解別人嘅說話,絕對會令世界變得更單純、更美好、更容易。 一個人講出一句話,可以有好多種解釋,就好似我今日呢篇文章,100個人睇到,就會有100種解讀,你絕對可以選擇以「自己」理解世界的方式去理解別人嘅說話。 若多看生活中良善美好之處,便會覺得自己很幸福、很快樂。 負面嘅情緒同感受總係比正面嘅來得強烈,我們要學會忽略負面嘅一切,唔係為咗其他人,而係為咗自己同你珍視嘅人。 2. 不要害怕改變 無懼困難,前面嘅路可能會有苦,只要方向正確,會面對崎嶇不平,但總比站在原地更可接近幸福。 不要害怕改變,如果現在已經覺得好幸福,你根本唔會出現想行第2條路嘅諗頭。 可能係呢條路會充滿荊棘,但我想在疼痛之中,你也會感受希望同光明。 但若留下,縱然很安全,但係要你每日都忍耐著唔喜歡嘅事物/人,面對住無希望嘅未來。 你就會知道應該點選擇!  幸福是靠自己爭取,人生充滿住無數嘅選擇,唔好因為恐懼去做/唔做選擇,唔好比自己後悔嘅機會。 3.    更珍惜自己的時間 試試多為自己著想,在照顧他人時亦多多觀照自己內在以取得平衡。 一直以來總是將別人的事放在前面嘅人,縱然自己有事但如果有人找我幫忙,而我又可以做到嘅。我都會答應,把自己本來嘅事排在後面,但後來發覺自己根本負荷唔到咁多野,結果將自己搞到心力交碎,所以還是要在中間取得一個平衡。 以前嘅來者不拒,別人嘅請求都放第一,每每害得自己身心俱疲。 其實多關顧自己某種程度亦係愛自己嘅一種。 因為「如何使用時間就係我地如何使用生命嘅方式」,時間真係 非常 非常 非常 可貴,所以我們更要有善待自己嘅時間,今年開始有進步,慢慢地開始學會了拒絕別人。 還有就是邁入三字頭,學到嘅是要練習減掉一些沒有意義嘅飯局,將時間留給重要嘅人。   4. 選擇合適自己,而不是流行的 現在嘅我都更加易去選擇自己真正喜歡嘅,曾經初初出來做野時會買時裝雜誌來睇,睇到咩流行就會買回來搭在身上。 但現在我嘅只會選擇令自己最舒服嘅,最適合自己嘅,年紀越成熟越知道自己適合什麼、質感亦自然地提升。   5. 更明確知道自己想要什麼,不想要什麼 過了這麼多年,嘗試過這麼多唔同的野,你定必更清楚知道自己唔想要咩。 無論食嘅、用嘅、現在都是只會按自己想要、自己喜歡、係健康嘅、係天然嘅去選擇。 唔會再花錢買好多野,反而係買一、兩樣自己真正想要嘅。 現在每買一件東西,都會諗下係唔係合適放係家中。 家中所用嘅、食嘅、飲嘅、都係會自己認真去選過,真心喜歡嘅,現在都會選比較好嘅、健康,天然無毒嘅食用品跟食品。 但花嘅錢反而比之前買一大埋回來小得多,減小花錢買唔實用嘅東西。   6. You are what you eat 我們嘅血、我們嘅肉都是在吸收食物嘅養份,而且家有2位小人,對食更加特別打醒精神,小心選擇。 當然偶爾吃愛吃嘅食物令自己開心亦係必需嘅,但重點都係淺嚐即止,不要過度。 7. 選擇一起正向成長的朋友 不是說要選擇好勁嘅人做朋友,有利益關係嘅人做朋友,唔係咁。意思其實係同朋友一齊相亙成長,而唔係相亙消耗。 人生有好多事唔係我地可以掌控嘅,如果老係接收到負面情勢,呢種能量久而久之亦會令自己變得很累,呢一種就係消耗。 我們成長一定會遇到困難,無可能係一帆風順,所以唔係完全唔抱怨,唔係無情緒,而是當有問題來到時,我們就先去解決問題,而唔係去煩惱它、抱怨它。 我們嘅專頁社團都係希望同大家一齊建立一個正向嘅氛圍,讓我們一起成長,亙相支持。   8. 給自己找點空白時間 以前總喜歡把自己的時間排得很滿,有一點空閒就覺得自己很沒用似的….LOL,但現在感覺自己更需要嘅係靜下心來嘅時間。既可以為工作想出更多靈感,亦可以發揮更多創意。(哈哈,雖然這年來孖寶都在家,真的很小空白時間可以給自己….哈哈) 所以之後就要追回啦….LOL 有時真正讓自己放鬆下來,一些直覺就自己會走出來,之前卡住嘅點反而解開了,適時嘅空白真的很美好! 特別以前唔了解冥想到底係做咩,玩笑地以為唔係就係由躺住訓覺,變成坐住訓覺….哈哈。 但現在更清楚唔一定要打坐,反正就係畀自己有靜心下來嘅時間,這令自己有點refresh嘅感覺。 空白時間我所得到嘅靈感,比以往把行事曆排得滿滿,忙東忙西來得更重要、更有價值。 9. 健康係一切的根本 今年開始慢慢地學會了拒絕別人,讓自己多了點時間,亦可以提早一點去zZZz。當然日常亦要留意飲食作息,幾年來一直都有在飲超強super drink杞子汁讓身體更強壯,平日亦很喜歡應用自己嘅芳療知識去看顧自己,幫助家人提升健康,增強免疫力。 愛護自己嘅身體,其實亦係一個很重要愛自己嘅方式。 特別係自己有了孩子s之後,更努力地想擁有健康身體,好讓我可以一直繼續陪伴他倆長大❤   10. 成就他人帶來更大嘅滿足感 有時候當你願意去做一些可能暫時沒收入嘅事,努力地付出去成就他人,幫助他人,利他嘅精神會為我帶來成就感,更加會為我帶來快樂。 如果做嘅事既可以幫助到別人,亦係自己喜歡做嘅事,你唔會感覺到在消耗。反之只要偶爾收到1、2個正面嘅回饋,這一切所付出嘅都變得值得,幫助別人的確令自己感到快樂。 當生命來到某個階段時,我們都應帶著熱情用生命影響生命,成就同樣也是願意改變嘅人。 常語道為他者而活,是自然法則。 我們出生於世間嘅目的,都是為了互相幫助。 當你幸福快樂時,生命是美好的,但當你能使別人幸福快樂時,生命是更加美好的。   11. 以知識增進自己 不斷探索更好嘅自己 只要認真學習、提昇自己,讓自己內外兼備,自己會活得更有修養。持續學習,有自己的愛好,每天都可以過得有樂趣,找到一件事唔洗任何人要求,妳就會自動自發去做,且欲罷不能,從中自然可以獲得極大嘅滿足感。 豐富自己嘅生活,培養自己嘅興趣愛好,會讓妳覺得生活唔再枯躁無聊,若能在愛好中取得成就,甚至賺得收入,或許它還會改變妳嘅人生。 簡單以愛閱讀為例嘅女性,她們往往更能看淡世間煩心瑣事,找回內心嘅平靜同淡定,心靈層次自然與眾不同。 我覺得會為自己所喜歡事物投注大量精力嘅人,他們都很強大。   12. 陪養閱讀嘅好習慣 閱讀嘅目的,不在於取得多大成就,而是當你被生活陷入低潮時,給你一種內在嘅力量。 我們閱讀其實就係儲備跟內心嘅燃料,係黑暗嘅環境中,亦都唔會畏怕,保護著自己內心嘅光芒。 心中有光嘅人,總能看到希望,因為他自己本身就係希望嘅化身。 新一年來到,願你們都內心有光,溫暖過一生。 我和孖寶的Facebook Page: 荔枝與孖寶  我和孖寶的 Instagram IG#: laichimama   Oh爸媽 - ohpama.com: Featured Bloggers MamiBuy香港媽咪幫:駐站部落客 Sunday Kiss: Featured Bloggers SuperMami HK:Featured Bloggers Beauty Exchange:Certified Blogger WeShare HK 親子: 推薦博客 ESDlife: 「靚太星級榜」Blogger 廿四孝父母 - 24parent.com: Featured Bloggers 媽媽經台灣/香港站: 駐站作家 uBaby 懷孕育兒生活雜誌: 駐站作家 香港01: 專欄作家 台灣親子集合Tagmum : 專欄作家   If there is any question or you looking for me and the boys,  please feel free to contact LaiChiMaMa via Email: cherrywcchan@gmail.com