副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

幼兒農曆新年活動

阿娘一向除左逗利是,都無咩點慶祝農曆新年,有左奶油仔後就會想多D節慶感,等佢有過節嘅感覺~

阿娘一向除左逗利是,都無咩點慶祝農曆新年,有左奶油仔後就會想多D節慶感,等佢有過節嘅感覺~ 話說今年無得「實體拜年」,所以整左本親戚相集,同family tree俾奶油仔認下D阿姨叔伯!再年初一打電話去拜年~ 仲有有傳統色彩嘅剪紙,奶油仔只需要剪兩下,一打開張紙,佢自己都話嘩一聲!   又整左吹墨(口水)畫,係失敗嘅,因為佢用dropper滴「墨」滴得太興奮,不過奶油仔好鍾意幅畫,所以照貼堂啦。 仲有桔仔數字樹,一開始冇興趣玩,我話貼完就食砂糖桔,即刻9秒9做完。 水仙畫就貼番啲白色花同用do-a-dot 筆點返粒黄色,好快玩完,之後就欣賞同聞吓盤真水仙。 最喜慶嘅就係用啪啪紙綁住腳,俾佢又跑又跳咁有啲顏色係張畫紙,畫紙本身用雙面膠紙貼咗個福字~不過最後阿娘手殘剪唔到個菱形。 仲有整吓賀年食品,有笑口棗同年榚。兩個食物都係阿娘預好晒材料份量,奶油仔淨係倒落個大盤,撈埋佢,同放係焗/蒸盤。聽落好簡單,但對於啱啱2歲,冇咩入廚經驗嘅奶油仔,都會整到四圍粉同搞好耐。不過阿娘反而好享受呢個過程。奶油仔最享受就一定個製成品,仲係咁分俾屋企人食! 最開心係可以同好朋友一齊整年糕!兩個跳脫系男生,同樣有個好熱血嘅阿媽,所以無懼災難級現場,成功整到好味年糕!   想看看奶油仔的日常趣事,歡迎光臨Facebook Page《奶油阿娘與寶寶》和Follow Instagram《nylemamaandbaby》。