副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

【 山頂纜車迷必去|半山隱世英式纜車 Cafe 】

【 山頂纜車迷必去|半山隱世英式纜車 Cafe 】

【 山頂纜車迷必去|半山隱世英式纜車 Cafe 】 上個週日專程帶Aidan來這間纜車Cafe,估唔到真係可以咁近距離欣賞到纜車,Cafe同纜車只係一路之隔,仲要係可以無限次任睇,大人小朋友都勁開心呀!   Aidan係Cafe門口已經俾啱啱落山的纜車吸引住,全間Cafe最靚的影相打卡位係室內的窗口位和露天茶座,我哋真係好幸運,竟然可以坐到室外的打卡靚位,勁開心呀!   一坐低已經狂影相,每隔10分鐘就見到一班纜車,每次纜車經過Aidan都勁開心,所以你地見到既相,有纜車出現哥哥係唔會望鏡頭架,結果得一張成功俾纜車入鏡,好珍貴。   其實唔止小朋友開心,媽媽我都好鐘意呢種古典懷舊的感覺,Cafe環境低調優雅,一邊飲咖啡一邊影相睇纜車,真係好享受呢種悠閑的氣氛。   講番Cafe的餐飲都唔錯,價錢唔貴而且份量幾多,我地點左兩份主食,有芝士牛肉漢堡包配薯條,牛肉漢堡好厚好多汁,好好味。另一份卡邦尼煙肉意粉配炸蝦,炸蝦好大隻,卡邦尼意粉大人食就比較淡味,小朋友食我覺得啱啱好,再加多杯凍朱古力咖啡,非常滿足!   相信小朋友一定會好鍾意呀!呢間咁靚咁有特色的纜車Cafe係【 Tram View Cafe 】,位於中環花園道纜車路軌旁,真係喺正纜車總站隔離,好容易就揾到。餐廳無得book枱,想坐到靚位打卡影靚相就要早d出發喇!   安妮媽媽溫馨提示 : - 如果有帶BB車就比較唔方便,因為上Cafe的路雖然短,但樓梯級較多,而且出入Cafe門口都有好幾級的樓梯級,大家上落要注意安全呀! - 週六日,纜車每隔10分鐘就見到一班,平日15-20分鐘一班。   【 Tram View Cafe 】 地址:中環纜車徑二號地下 營業時間:星期一至五11am-7pm / 六、日及公眾假期10am-6pm ————————————— 歡迎連絡安妮媽媽: Facebook專頁: 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com