副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

|| 育兒日記 || 1歲半健康院檢查

新年前,晞晞足一歲半,又係時候番健康院發展評估同最後一次打針。

新年前,晞晞足一歲半,又係時候番健康院發展評估同最後一次打針。     因應疫情關係,同半年前一樣, 六個月以上只能一位大人陪同! 到達後亦須登記資料同量體溫。     一如以往都係先磅重, 除咗換一條乾淨嘅尿片, 都可以著一件薄衫仔磅。 晞晞依家有9.8kg,同哥哥當時咁上下,差小小掂25線。 姑娘話好大進步因為半年前, 一歲嗰陣磅重係7.53kg,最低條線都未掂到 姑娘有叫晞晞度埋高度,俾姑娘話矮左啲74.2cm,未入到線 不過整體比例係冇問題     見姑娘除咗問一啲基本問題, 例如:固體有冇食啲乜乜乜、食幾多、玩咩玩具、 開始刷牙仔未....... 一歲半最重要就係語言評估, 姑娘會問識講咩疊字或單字, 姑娘認為晞晞識講嘅字都算ok, 不過都有問我想唔想兩歲返嚟再評估跟進,當然好啦有得 follow up       姑娘畀埋藥單同一啲小冊子就可以出去等打針     哥哥2017年出世, 佢一歲半都只係打一支針, 但而家已經唔同咗, 而家一歲半會打兩支針,兩支都係打手臂,左右各一。 白喉、 破傷風、 無細胞型百日咳及滅活小兒麻痺混合疫苗- 加強劑(簡稱白喉4合1) 麻疹、 流行性腮腺炎、 德國麻疹及水痘混合疫苗-第二劑(簡稱四痘針)(以往呢針會係小一時候先打)     最後落藥房拎埋退燒藥就搞掂, 完成曬所有健康院打針     衷心慶幸兩兄弟 都係由出世第一次去到最後一次健康院打針, 都係從冇發燒過     後記: 雖然喺健康院打曬針, 但切記四歲時要預約返去做視力檢查                     產品試用/活動邀請/其他合作 歡迎聯絡:tanleesharon2004@yahoo.com.hk 謝謝 Fb: [http://www.facebook.com/leessssfamily]