好耐無食泰國嘢，係人都知泰菜緊係要去九龍城，今日我就去咗朋友力薦嘅橙象試試 橙象裝修充滿泰國特色，環境潔淨，令人有好舒服嘅感覺，可以慢慢坐、慢慢歎～   冬陰公湯底明爐烏頭魚  必食之選！烏頭魚肉鮮甜可口，配搭香茅、南薑、辣椒、多款香料，再跟埋極有泰式風味嘅冬陰公，味道極有層次，酸酸辣辣，很開胃   炭燒牛肋骨  未食已聞到陣陣炭燒香味，食落肉質軟淋，啖啖牛味，配上帶點微辣嘅醬汁，真係非常惹味，好味   +$1 飛天通菜  每日都有+$1特價優惠，咁抵，緊係要叫。雖然係優惠價菜式，但一點都不馬虎。通菜配娭蒜蓉、辣椒絲去炒，非常入味，而且通菜本身都幾幼嫩，完全超乎預期   食飽飽再飲埋青檸梳打，大滿足嘅一餐   橙象 (Orange Elephant Thai Restaurant) 地址: 大角咀博文街42號