副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

昂坪360 X 恆香「尋蛋滋味360」及「恆香‧百年」展覽館

昂坪360終於開返嗱!幾日假期又唔想入主題樂園同人迫,最後仲帶埋爺爺同婆婆陪貝貝坐首次嘅昂坪360纜車!開頭仲好擔心貝貝唔敢坐!但最後我地竟然仲夠膽坐埋水晶車廂,原來影相真係爭好遠,睇風景仲超超超超超靚呀!係開頭有啲怯,貝貝攬到我實一實唔敢望,但其實只要唔離開座位都唔係好驚,貝貝都敢望腳底,仲好興奮咁話踩緊個海同車車添! 依家黎到昂坪除咗可以行大街市集,參觀寶蓮寺,由即日起至6月14日,呢度仲進行緊「尋蛋滋味360」主題活動。適逢恆香老餅家已經100周年,昂坪市集圓形廣場設有三大趣味打卡位,以傳統蛋製食品為主題,精心打造放大版恆香經典老婆餅盒、蛋撻鞦韆、蛋卷搖搖板以及彩蛋打卡牆,無論大人定係帶小朋友去影相都超得意! 喺圓形廣場再行前啲仲可以參觀「恆香‧百年」展覽館,整個展覽館嘅裝潢模仿成60年代的九龍城寨街景,牆上除貼有當時甚具設計特色的路牌、街招及宣傳海報外,更有不少極具香港風味的霓虹燈及手寫白底紅字招牌,充滿懷舊港式情懷。裡面仲可以觀賞恆香老餅家嘅珍藏品,仲可以睇到逾30年歷史嘅大紅花轎,龍鳳雕像 backdrop等等。貝貝最鐘意就留係模仿昔日「恆香酒家」嘅場景,推住架手推點心車、一盅兩件,貝貝同朋友仔一齊坐低飲茶啲相係咪好過癮? 呢日真係玩得好過癮,大人仲可以細味本土歷史添!貝貝話下次都要黎坐cable car!   昂坪360 X 恆香「尋蛋滋味360」主題打卡位 日期: 2021年4月2日至6月14日 時間: 上午10時30分至下午5時30分 (逢周一、周四關閉,實際開放日期及時間,請參閱網站的公佈為準) 地點: 昂坪市集圓形廣場   昂坪360 X 恆香「恆香‧百年」展覽館 日期: 2021年4月2日至6月14日 時間: 上午10時30分至下午5時30分 (逢周一、周四閉館,實際開放日期時間,請參閱網站的公佈為準) 地點: 昂坪市集 360 旅遊資訊中心側   詳情: 凡購買任何昂坪360纜車門票,並於昂坪市集任何商店或食肆內作任何消費,即可憑單據到360旅遊資訊中心,換領「恆香‧百年」展覽館門票一張。   ——————————— 依家可以加埋我MeWe啦 MeWe: https://mewe.com/p/bowl_lam FB: https://facebook.com/profile.php?id=155831361844211 IG: https://www.instagram.com/bowl_lam/