副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

未到40歲就患有肩周炎?蘇安莎中醫診所

唔知係唔係自己少運動,未夠40歲,左邊膊頭就開始唔多妥。本身以為自己撞到定整親會慢慢好返,但拖拖下都半年有多,發覺唔係喎,越嚟越痛喎...而且漸漸係痛到隻手屈唔到去後面,沖涼洗唔到背脊,R痕又R唔到,生活大受影響!媽咪話呢啲係五十肩,佢自己都係咁,但通常50歲先係咁!唉,真正未老先衰,萬念俱灰,唯有去睇我最怕嘅中醫... 老實講,以前嘅我真係唔係好信中醫,相信可能唔少人都有咁嘅諗法,覺得中醫拖症,呃你十年八年唔見效,又話醫師人夾人呢樣嗰樣。煲藥辛苦,飲藥又辛苦,戒口戒到冇啖好食,搞一大輪都冇咩進展。但係經過今次「肩周炎之亂」之後,徹底顛覆我對中醫嘅睇法!我仲覺得拖成年先嚟睇中醫真心好傻...如果大家都有呢個煩惱,或者你家中長輩都有五十肩,快脆啲叫佢哋過嚟睇中醫,唔好再拖!!以下係我嘅個人經驗,分享俾大家知。我去嘅呢間係喺中環嘅蘇安莎中醫診所,好乾淨好光猛,入到嚟冇一陣「老人味」,感覺係新派啲嘅中醫診所。 老一輩至鍾意講:「中醫?年輕嗰啲冇料到㗎!要睇梗係揀啲老師傅啦!」嗱,我個人經驗,老師傅好多時候就係自以為自己經驗老到,忽略咗病人真正需要。經驗緊要,但有啲時候理論都一樣好緊要嘅。我個醫生係好後生,但我發覺佢學貫中西,我同佢講我食緊咩西藥嘅藥名,佢全部都知之餘,仲有比意見我點樣配合中醫嘅療法!過程之中,佢完全冇踩過西醫點點點,中醫咁咁咁,反而係講點樣可以相得益彰,令到我對中醫改觀。 講返肩周炎個 case,醫師話返我知,原來我咁後生未必係肩周炎,詳細檢查後發現係膊頭一條肌肉「肱二頭肌」嘅發炎。我嘅程度必須要配合針灸,疏通返「血氣」同「經脈」。點解我會有肌肉發炎?因為我長期低頭工作,坐姿不正確,同埋寒背。針灸唔痛嘅,只有施針嗰一吓感覺到比刺一下咁啫,然後醫生幫我加咗「電針」,即係喺支針上面加微電流,等血液循環得更加流暢咁。我曾經有個經驗,去啲比較老牌嘅中醫診所,覺得唔係好衛生咁,張床有上手啲頭髮,床單有血跡都見過,啲拔罐勁多積,伏卧(面向下)姿勢嗰陣,張床有一陣上手啲頭油味,帶著口罩都想作嘔…自此之後怕咗嗰間診所。真係要讚下蘇安莎,非常之乾淨,啲用品見佢哋放得好整齊,信心大增,令人感覺舒服同對病人嘅一份尊重。 效果因人而異啦,好似我呢啲拖咗咁耐嘅人嚟講,做一次,康復程度有50%我已經覺得非常之有驚喜!我本身左手係屈唔到向後,莫講話屈向後仲要提高。而家我可以做到呢個姿勢,真係好感恩!醫生仲有教我好多在家嘅復健小運動添!佢話如果我喺屋企都郁多啲,大概針灸多兩次就可以好返八成(冇錯,要100%回復年輕全盛期確是夢)我而家明白到咩叫做失去先識得珍惜...年輕健康嘅身體就係其中一種。呢個故事教大家,病向淺中醫,同埋中醫唔係一定代表耽症、效果慢,有啲痛症真心係中醫比西醫有效,肩周炎就係表表者。希望呢個分享幫到大家,祝願大家都身體健康啊!   **產品/產品資料由品牌提供,真心分享。歡迎電郵查詢。 ngayiellie@gmail.com http://www.facebook.com/popcornellie http://instagram.com/popcornellie http://popcorn-express.tumblr.com